華仔大談感情世界，昔日隱婚是想保護愛妻。憶述墜馬停工8個月，劉德華反思：不是生病的時候『我都要是劉德華』
華仔將於今年年尾舉行演唱會，最近上電台節目「雲妮鍾情」接受訪問。重提上年墜馬受傷嘅經過，坦言臥病在場幾個月，去廁所都要靠護士幫手，令佢覺得好尷尬。但亦都因為「經此一役」，令佢明白到自己心態係需要改變，無可能永遠都係一個完美嘅偶像。劉德華仲喺訪談中罕有大感情世界，透露自己唔識講情話，都表明當初隱婚嘅原因。
Photo from andylauox @ ig
相隔8年再次開個唱，一眾歌迷都相當期待，日前華仔就到電台接受訪問宣傳。
Photo from andylauox @ ig
重提舊年墜馬受傷嘅日子，真係驚心動魄！「我自己覺得當我卧床3個月，以為可以落地行，原來唔得仲要坐輪椅。」有人甚至形容佢今次意外係「經過大劫，脫胎換骨」，雖然一早準備好嘅工作要叫停，又影響全盤計劃，一開始華仔都感到好負面。受傷卧床嘅兩個月，佢一直要護士幫忙拎尿壺，令佢十分尷尬，但華仔好快就調節到心態。
Photo from from Weibo
誰人可以避過生老病死？超級偶像面對病痛，都只係一個平凡人。無人可以用完美姿態渡過生命中每分每秒，華仔感慨道：「那個角色一定要清楚，不是生病的時候『我都要是劉德華』，沒得裝，惟有告訴自己我最帥的是心靈。」有人話，面對難題，第一件事係要思考自己面對嘅處境可唔可以改變，如果歸根究底，問題係避無可避、難以逆轉，就要學會接受—萬人迷如是。
Photo from from Weibo
最終休息足足8個月，華仔先可以自己行路，更要鍛鍊雙手力量，由床上落輪椅去廁所，同時順利度過尷尬時期。而華仔一向甚少提及自己嘅感情事，即使外界一直知道佢已經秘密結婚，太太朱麗倩生咗囡囡劉向蕙，但佢都甚少提及妻女。
Photo from from Weibo
日前佢為演唱會接受訪問時，就大談感情感情世界。身為一個「偶像演員」，華仔坦言拍戲已經遇過太多可歌可泣嘅愛情故事，但現實生活佢就覺得「無咁嘅必要」，佢解釋因為太太朱麗倩唔習慣面對傳媒，所以一開始就選擇隱瞞。
Photo from from Sina
因為太太未有心理準備公開，華仔尊重太太決定，二人共識係將婚訊保密。
Photo from from Weibo
至今朱麗倩成為劉太10年，開始慢慢習慣媒體追訪，因此近年華仔亦大方帶太太出席歌迷活動，甚至女兒被拍，華仔都鮮有唔再阻止。
Photo from from Weibo
華仔自認性格係朋友大過天，更以《天若有情》中嘅「華Dee」做比喻「如果有朋友失戀，需要我的時候，就算現在我跟女朋友吃飯，我也會一走了之，去安撫朋友。」
Photo from from Sina
即使係咁，但佢強調自己係用情專一，但以「好情人」標準去衡量，華仔都坦白自己唔係一個好情人，更形容做佢女朋友其實好可憐，因為經常會因為朋友而忽略女方需要。
Photo from andylauox ＠ ig
人生漫漫長路，每人都希望搵到一個投契，相處舒服嘅靈魂伴侶，但世上哪有完美嘅人？正所謂「人無千日好，花無百日紅」，喺艱難日子中，認清人生意義，自我價值何在當然重要，而願意放棄半點自己，去成全另一半，令伴侶感到舒服，幸福，劉德華跟朱麗倩呢一對確實令人感動～
Text：Girlslike Editorial
Photo source：Weibo, Sina , Instagram
