親民貼地善心影帝！《怪獸》男主角Eddie Redmayne為妻女願停工1年，常搭地鐵出入，更暖心資助清貧學生～！

《怪獸與與葛林戴華德的罪行》現正熱播中，男主角Eddie Redmayne亦因為飾演「紐特」呢個角色而成為近期最火熱男星，講到演技佢當然係毋庸置疑，而且現實中Eddie同戲中紐特一樣係暖男，性格善良謙虛，總把家人放喺第一位，經常搭地鐵出入非常貼地！

1982年出生嘅Eddie自小就患有色盲，自細就熱愛唱歌演戲嘅佢大學主修藝術史，更曾係威廉王子嘅同學，長時間沉淫在藝術氣氛中，令Eddie全身上下都散發一種獨特嘅氣質！

Eddie 畢業後繼續追尋自己的夢想， 20歲嘅佢已經喺中殿律師學院演出《第十二夜》，兩年後更憑著《山羊》拿下舞台劇界的最佳年輕演員獎！

雖然2006年獲得首次演出電影機會，不過Eddie之後都經歷過一段零片約零片酬嘅事業低谷期，那段時間甚至要到酒吧當侍應幫補生計。直到2014年，佢憑《霍金：愛的方程式》霍金一角橫掃各大電影獎項，包括奧斯卡金像獎、英國電影學院獎、金球獎和美國演員工會獎，晉身影帝！

同年12月，事業有成嘅Eddie宣佈迎娶公關主管女友Hannah Bagshawe，每次出席公開活動Eddie都會緊緊拖住愛妻，愛意不時在眼神中滲透著～

Eddie並冇因此而停下腳步，2015年Eddie在《丹麥女孩》中飾演跨性別人士，細膩感人嘅演出令佢提名奧斯卡金像獎等！

2016年與愛妻嘅愛情結晶品女兒Iris出世，為咗專心照顧家庭，Eddie喺事業高峰期毅然選擇停工1年，就係為見證孩子成長，同老婆一齊照顧孩子，絕對係一個超級顧家好男人啊！

除咗顧家外，Eddie平時會出錢出力資助清貧學生，亦經常被拍出乘搭倫敦地鐵出入，佢喺地鐵上非常自在悠閒，甚至會睇報紙，一副「熟客」嘅模樣真係好有反差萌，完全冇大明星架子啊！

不過Eddie成功之路並非如此一帆風順，自細就患上色盲對佢生活造成不便。另外，Eddie曾經多次參與經典電影如《哈利波特》、《星球大戰：原力覺醒》、《哈比人》等的試鏡都通通失敗，直到《怪獸》先有機會擔住男主角～

Eddie真係一個暖心好男人啊！

Text：Girlslike Editorial

Photo source：Pinterest