身邊有這樣的他千萬不要放過～沒有浪漫基因，卻付出200％真誠，這4個好男友星座當之無愧！
常慨嘆自己遇人不淑？希望下一個會是你的真命天子？有無諗過身邊已經有一個這樣的他，只是你不為意罷了！雖然感情事往往都係人夾人，而男生更要識得營造浪漫先有好嘅第一印象，但以下4個星座，身上雖然無流著浪漫基因，但就願意為伴侶花多幾倍氣力，付出200％真誠一心一意對另一半好～你身邊的他是這樣嗎？唔好再埋怨佢唔識花言巧言語，好好珍惜呢一份愛吧，佢有更多值得你欣賞嘅優點～（笑）
Photo from from Pinterest
1. 金牛男
金牛座嘅男生個性雖然木獨，極端一啲嘅甚至係一個「獨家村」，鮮有理會其他人點諗佢，反正就是會堅持自己一套。但一旦拍拖，眼光就會放得長遠，絕對唔係今朝有酒今朝醉嘅男生，佢會好好計劃你哋二人嘅將來，雖然說話唔多，傾向將感情往內藏，有時候會假設伴侶應該係「靈魂伴侶」嘅層次，所以好少將甜言蜜語放喺口唇邊，但就默默將愛你嘅表現化成實際行動。金牛男一付出感情，就會好似牛一樣固執，難以動搖。你說吸不吸引～！
Photo from from Sina
2. 巨蟹座
天生溫柔系嘅巨蟹座無時無刻都流露母愛，雖然情話唔多，但就好識得照顧伴侶。面對自己所愛嘅人，更會將對方需要放喺比自己更重要嘅地方，並且盡量去滿足佢。巨蟹座唔單止會愛錫另一半，另一半嘅家人、朋友，佢重視嘅人，佢都會好上心，絕對係一名愛屋及烏嘅好情人。
Photo from tonyleung_chiuwai @ ig
3.天蠍男
一副冷漠外表，感覺cool cool，其實內心有一團愛火，一旦認定你係佢嘅另一半，天蠍男就會用蠍子爪緊緊抓實你，用愛包圍住你，而你當然也無處可逃～有一個天蠍男，你想走都無得走！（笑）
Photo from lok666 ＠ ig
4. 山羊男
予人感覺木獨寡言嘅山羊男，身上可謂擁有0％浪漫基因，佢哋追求安穩踏實嘅愛情。話雖如此，但佢哋無喪失愛人嘅能力，當另一半有理想時，佢哋會全力支持，做最強大嘅後援～即使情話少，有時甚至會因為工作忽略另一半，但要論付出真誠，山羊男卻是100分好男友！～
Photo from hannah_quinlivan @ ig
Text：Girlslike Editorial
Photo source：Pinterest, Instagram
