歷盡滄桑終遇上真命天子！44歲賈靜雯峇里島行婚禮～老公修杰楷甜蜜承諾：接下來每一天，我會握著妳的手永不放開！
44歲嘅台灣女星賈靜雯，跟男星修杰楷喺2015年註冊結婚，婚後育有兩個可愛女女—咘咘、Bo妞。上星期六，二人於峇里島舉辦婚禮 ，賈靜雯雖然一副凍齡樣貌，但感情路上卻曾是歷盡滄桑。婚禮上，賈靜雯真情剖白，一字一句都令在場嘉賓感動落淚，小妮子嘅愛情故事終於落下幸福嘅一幕。
Photo from lefthere036 ＠ ig
2005 年，正處於事業高峰嘅賈靜雯承認未婚先孕。好快就跟前男友孫志浩註冊結婚，成為豪門少奶奶。但大概邊個都無諗過，呢位富家公子並無珍惜新婚愛妻，甚至喺賈靜雯生第一胎?陣，畀狗仔隊影到本應該係陪產嘅佢，送另一個女人番屋企，其後仲多次傳出家暴消息。跟前夫婚姻只維持5年就不歡而散，賈靜雯曾經喺媒體面崩潰痛哭：「我承認在婚姻中我是個失敗者！」
Photo from from Sina
因為一次婚姻傷痛經歷，令佢重整工作同生活嘅比重，賈靜雯更一直悉心陪伴女兒，做好母親角色。
Photo from from Weibo
賈靜雯講過，因為要保護大女，加上跟前夫嘅離婚協議寫明女兒監護權雖然係畀咗賈靜雯，但就承諾唔可以讓梧桐妹曝光樣貌。作為媽媽，賈靜雯喺微博坦白：「唯一能讓她留在我身邊的條件就是不能正常的曝光。」又激動寫下「姐姐，媽媽保護妳要遮住妳的臉是真的怕失去跟妳的時光⋯姐姐，妳在媽媽眼中永遠都是無可取代的寶貝！姐姐，因為有妳，咘咘才是全世界最幸福的妹妹⋯」愛女心切嘅賈靜雯，一直承受住外界覺得佢只錫細女唔錫跟前夫生女兒，但佢就毫不避諱開腔解釋，相信大女梧桐妹長大後都會明白媽媽一片苦心。
Photo from from Weibo
Photo from from Weibo
因為愛好健身關係，認識到比自己年輕9年嘅修杰楷，二人擦出愛火，但呢段感情一開始不被看好。雖遭經歷婚姻挫敗，但賈靜雯坦承無放棄追求愛情，只係強調「對方必須要愛我女兒」。
Photo from from Weibo
賈靜雯跟修杰楷2015年結婚，隨便看看修傑楷嘅微博，都是滿滿嘅愛。
Photo from from Weibo
Photo from from Weibo
旁人話修傑楷大脾氣，但肯定嘅係，佢將所有溫柔都畀哂太太賈靜雯。曾經有人問當初點解喜歡賈靜雯，佢話：「因為靜雯非常的迷人！現在再看還是都一樣，我每天看她還是告訴她說，她非常漂亮、非常美麗！」
Photo from alyssa619619 ＠ ig
上星期6於峇里島舉行嘅婚禮上，最感人嘅一幕就係修杰楷剖白：「我們常說要一起創造我們兩個的回憶，不是孩子的，今天就是我們故事裡最美好的章節，謝謝妳願意相信我，讓我成為妳的丈夫，謝謝妳願意相信我，成為孩子的父親，謝謝妳願意相信我，成為我的妻子，謝謝妳願意等了3年，讓我們今天站在這裡，接下來每一天，我會握著妳的手永不放開，我愛你。」
Photo from from Sina
事實上，修杰楷嘅愛，偉大在包容佢愛嘅人所有不完美嘅地方，並且喺佢心目中，賈靜雯即使不完美，但佢仍然著迷，會想用心愛顧。
Photo from kevinzhoutw @ ig
上《康熙來了》被小S問及女友賈靜雯，由於女方比佢大幾年，修杰楷誠懇地表示：「希望給她一點安全感。」問及賈靜雯大女兒「梧桐妹」時，佢更表示：「這是她人生的一部份嗎～」無錯，修杰楷對梧桐妹都係視如己出，經常都是佢送梧桐妹番學，兩個人又會一齊打機～
Photo from from Sina
Photo from from Sina
修杰楷於婚禮上表示「今天是我們故事裏最美好的場景，我會永遠記得在我們的回憶裏」，賈靜雯真誠回應：「我不完美，但是因為你、我變得很完美。」一路走來，二人永遠感謝能夠對方，最幸福嘅事莫過於此了。
Photo from myudn @ ig
正如賈靜雯所講：「今天站在這裡對我來說是一件很不容易的事情。」婚禮上，賈靜雯坦承過去嘅經歷令佢唔敢放開心扉，「修，謝謝你，在我的情感課題上，讓我重新了解愛的真諦」，而咘咘、波妞、同跟前夫生嘅大女梧桐妹都喺在場見證。
Photo from from iqiyitw
主持人聶雲問到：「你是不是願意用一輩子陪伴修杰楷？」賈靜雯甜密話：「我已經願意4年了，我會願意一輩子！」動人真摯嘅承諾，令人十分感動！
Photo from from Weibo
希望賈靜雯婚後日子繼續幸福，就正如佢哋婚禮嘅主題一樣—「宇宙」代表浪漫小家庭擁有宇宙般浩瀚嘅秘密，太陽同月亮代表夫妻二人性格可以互補不足，星星們則代表梧桐妹、咘咘和Bo妞三個可愛嘅女，佢哋嘅存在係可以點亮星空嘅魔法。聽上去有點大膽，又有點天馬行空，但一個受傷後願意重新接受愛情；又有另一個人願意陪伴受過傷嘅人康復，愛情有時看似脆弱，但可以發揮嘅力量，確實如浩瀚宇宙一樣大～
Text：Girlslike Editorial
Photo source：Instagram, Weibo, Sina
