一同走過事業低潮，郭晉安、歐倩怡婚姻曾亮紅燈，每星期堅持二人世界為愛情保鮮！
成功男人嘅背後，總有個女人默默喺佢身邊支持佢。貴為三屆視帝郭晉安，2006年前跟歐倩怡（Cindy）結婚，細數過去一點一滴，兩公婆一直互相扶持，特別係比男方年輕15年嘅歐倩怡，深知男人以事業為重，對先生事業永遠支持。
Photo from from Weibo
娛樂圈工作豈有一步登天嘅事？如今已經係「戲骨」嘅安仔，當年兩度因為「阿旺」嘅角色勇奪兩屆視燈，宜家TVB熱爆嘅《再創世記》演奸到出汁嘅賀天生，有網民大讚安仔「撐起哂成套劇。」入行32年，事業曾經走到樽頸位置，安仔被派去拍綜藝節目，有人話「上天為你關了一道門，就會打開一扇窗」，?時佢就認識咗歐倩怡，亦為將來嘅幸福家庭埋下伏線。
Photo from from Sina
Photo from from TVB
安仔坦言，一開頭覺得歐倩怡好似「小妹妹」一樣，好多嘢講，好嘈吵。但活潑好動嘅Cindy，就慢慢跟安仔無所不談。而安仔大哥哥形象，就正正切合Cindy想搵一個大哥哥做伴侶嘅想法。
Photo from from Weibo
安仔同Cindy拍攝旅遊節目而擦出火花，拍拖7年後，兩個人喺迪士尼樂園舉行婚禮。婚後好快就生咗小朋友、宜家大仔令山同細女以雅分別係10歲同6歲，安仔曾經形容太太Cindy，形容佢畀人印像係一個細路女，但背後嘅佢係好成熟，而且好學。
Photo from from Weibo
Photo from from Weibo
Photo from from Sina
好學不倦嘅Cindy仲成功考到船牌！
Photo from from Weibo
正如安仔所言，自從2000年Cindy所屬嘅華星唱片執笠，太太就一直積極進修，幾乎淡出完全幕前嘅Cindy為興趣學打鼓、進修營養學、商業同心理學等，目標更係去外國考牌註冊營養師。常言道女人唔易做，又要照顧家庭，又要適時增值自己，要做個好妻子、好媽媽，其實一點都唔容易！人前幸福恩愛嘅Cindy同安仔，其實佢哋嘅婚姻都曾經亮起紅燈。
Photo from from Weibo
導火線唔係因為第三者，都唔係因為性格不及。安仔曾經表示，結婚多年，大家都只係關心照顧小朋友，忽略咗夫妻關係。大概係因為夫妻二人都係深明尊重對方嘅重要性，太太Cindy讀書進修，安仔大力支持，支持到一星期見一次面都無怨言；同時，安仔自己拍劇都好忙碌，關係變得疏離都不自知。安仔坦言「雙方說話好似只為處理一些事，執去了二人互相欣賞同稱讚對方，甚至完全已不會去為對方着想。」呢種陌生感，曾經令到安仔迷失，有一刻甚至諗過離婚。
Photo from from TVB
安仔Cindy雖然年齡上有差距，但甚有默契嘅，就係佢哋兩個都無諗過要真正放棄呢反段婚姻，除了責任，就係愛嘅力量。雖然婚姻亮起紅燈，但慶幸大家都有著心解決問題，安仔同Cindy決定每星期要有一次二人世界晚餐，重新建立夫妻間的感情，除咗傾計，仲會玩遊戲同「細說當年」，成功重燃愛火令關係重回正軌。
Photo from from Sina
望望安仔同太太，老夫老妻都仲玩「破冰遊戲」—估對方喜歡什麼、需要什麼，用紙寫低，佢哋都同床共枕10幾年，竟然大家都估唔到對方心中答案！其實人心可以好複雜，但感情可以好簡單—只要雙方願意行多一步，切身處地為對方著想。永遠都記住：人固然會變，但回到家裡，跟摯愛相處時就要不忘初心。
Photo from from Weibo
「百世修來同船渡、千世修來共枕眠」，面對各種問題，唔好輕易放棄每一段感情，唯有溝通、包容、尊重，先可以真正擁有幸福。
Photo from from Weibo
Text：Girlslike Editorial
Photo source：Weibo, Sina
