曾愛得轟烈，能以平淡作結或許已是最好的結局，分手後你學會的4個道理「能給你幸福的人，同樣能給你悲傷」

如果話人與人之間嘅溝通係複雜，那麼愛情必定係一門課。有人一輩子都不精於愛情這回事，屢戰屢敗、屢敗屢戰......直至好幾個春夏秋冬過去，仍然未能等到收成期，滿腹都係疑問—「我到底做錯咩？」「我到底有啲咩如此令人不討喜？」無論天生有幾樂觀，愛情上出現挫折，付出真心一片卻不得要領嘅感覺一定會打沉人。女生們～係時候要將開雙眼，好好從過去每一段失敗嘅感情中，汲取領悟，當係上一堂有得益嘅課，把青澀嘅愛磨練得得更成熟吧。

Photo from from Pinterest

＃1 心存感激

分手後，有人心中會有好多怨念，不停鑽牛角尖～但其實要反思呢段感情嘅問題癥結所在更重要～感情出現危機、裂痕，往往都唔係一方面要付全責，永遠都要記住，當你用手指指責對方時，有另外3隻手指係指住自己。

Photo from from Pinterest

＃2  並非只有你承受悲傷

好多人都會覺得提出分手嘅一方係罪人，另一方就係可憐人。但既然雙方都有付出過感情，得到傷痛嘅人唔單止自己，也許對方都正在默默流淚，因為呢一段關係，大家都有份建立出嚟～

Photo from from Pinterest

＃3 能夠給幸福你的人，也同樣能給你悲傷

佢能給予你一片天地，令你歡天喜地；但同樣，當佢收回這片天地時，就會帶給你極大嘅悲傷。作為女生，不要害怕交託自己嘅幸福畀人，但要記得好好建立自己嘅興趣同技能，培養能夠給予自己幸福嘅能力，分手時才不至於由快樂嘅天堂趺落無底深淵。

Photo from from Pinterest

＃4 唔需要勉強自己去忘記一個人

兩個人喺埋一齊嘅日子耐咗，經歷嘅事就會變多，曾經寫畀對方嘅小情書、吵架時花盡口舌逗對方嘅訊息、暢遊異地影下好多有回憶嘅相片......好希望可以回到當時，同時又好想禁下一個delete鍵，一併將所有回憶完全刪掉。可是人是人非草木，千古以來都無人可以將記憶隨便刪掉。等到有一日，對佢感覺消減，過去幸福嘅畫面就會成為你人生嘅閱歷。

Text：GirlsLike Editorial

Photo Source：Pinterest