喜歡深度對話，害怕冷場和陌生人多的地方？開朗型內向人5個特徵，時而開懷、適時收斂令我們更放鬆。

你經常滿面笑容，人緣好好，每次同朋友見面都可以好健談～但有時都會好想有私人空間，可以一個人安靜待上3,5,7個鐘享受悠然自得嘅獨處時光？有朋友約你，你間唔中都想有拒絕嘅感覺，但又難於啟齒。其實你並唔係對社交活動感到厭倦，你只係需要比平常人更多獨處嘅私人空間。根據以下5個特徵，檢視一下自己係唔係「開朗型內向人」(Outgoing Introvert)吧～

Photo from roxannetong @ ig

#1. 環境決定你當下的活躍程度

如果有令人舒適嘅音樂、氛圍，你可以輕易跟陌生人傾計。但如果你發現空間好侷促，或者當日自己狀態唔好時，你會迴避跟別人有眼神接觸嘅時刻，因為你無辦法跟別人自然地溝通。

Photo from wongtsuiyu @ ig

#2 喜歡跟情人、好友深入對話

相較於流於片面嘅溝通，你更喜歡深入嘅談話。而身邊嘅人，亦覺得跟你有深入對話好舒服，願意跟你分享身邊大小事。而你都覺得溝通係「寧缺勿濫」，你寧願認真看待人與人之間嘅交流，總好過跟任何人有無營養嘅對話。

Photo from missjni @ ig

#3  放工後都希望第一時間回家

當每人都在打happy Friday主意時，你會希望放工可以第一時間回家而唔係參與社交活動，因為白天喺外面工作，對人已經好攰了～

Photo from wongmanyik @ ig

#4 有時候活在自己嘅世界中

你對於別人講嘅事好上心、好在意。不惜花精神時間思考其他人對你一字一句嘅評價，因為你希望知道其他人對你嘅諗法同背後原因～有時候，你沉醉於自己思考，甚至會衍生出一個個虛構嘅情處境～有人會同你講，你活於自己世界而不自覺。

Photo from wongmanyik @ ig

＃5 需要時間去認識陌生人

喺一個自己熟悉嘅環境下，只要你面對嘅係唔熟悉嘅陌生人，一向健談嘅「開朗型內向人」就會變得無話題。但唔代表你唔可以跟陌生人傾計，只係你要一些時間，令自己適應。當你信任對方時，你就可以變得落落大方跟對方談天說地。

Photo from missjni @ ig

Text：GirlsLike Editorial

Photo Source：Instagram