萬千星輝頒獎禮2018視帝人選有機會爆冷！親生仔大戰人氣王，誰才是你心中的視帝～

仲有唔夠一個月就再舉行《萬千星輝頒獎典禮2018》，每年視帝嘅競爭雖然不如視后激烈，不過有唔少人預測今年分分鐘有機會爆冷，到底親生仔大戰人氣王，邊個會取得最終勝利呢～

# 王浩信

王浩信上年憑《踩過界》封王，成績雖然好好，喺《踩過界》，《不懂撒嬌的女人》同埋《溏心風暴3》入面都係擔任主角，不過今年機會就唔大～2018年佢只有一部劇《兄弟》出街，不過呢套長達30集嘅台慶劇趕唔切喺頒獎禮前播完。近呢20年，只有3位男演員能夠喺劇集未播完前都可以奪得視帝，包括2013年《My盛Lady》嘅黃子華、2005年《阿旺新傳》郭晉安同埋2001年《尋秦記》古天樂，可見機會都的確較少～

Photo from 《兄弟》劇照

# 郭晉安、陳展鵬、譚俊彥

其三位嘅演技都係備受觀眾認同，郭晉安同陳展鵬分別試過三次同兩次封王，而譚俊彥就係大台新晉力捧小生，喺內地浸淫多年，演技備受肯定，不過今年佢地都遇到劇集收視問題～近20年，每位視帝所演嘅劇集收視，最低平均都有27點，但今年，陳展鵬唯一一套《天命》收視只得21.5點。

Photo from 《天命》劇照

譚俊彥同樣係《天命》嘅男主角，加多套《特技人》平均22.4點。

Photo from 《特技人》劇照

而郭晉安嘅《再創世紀》平均收視22點，如果以收視計算，呢三位嘅機會都較低～

Photo from 《再創世紀》劇照

# 黃浩然、黎諾懿

不過今年成功嘅TVB劇集其實都唔少，就好似《逆緣》、《果欄中的江湖大嫂》、《宮心計2深宮計》、《BB來了》，《果欄中的江湖大嫂》同《BB來了》都屬較女演員主導嘅劇集，所以劇入面嘅黃浩然同埋黎諾懿都被蓋過，要爭視帝都有難度～

Photo from 《BB來了》劇照

# 黎耀祥

至於《逆緣》嘅黎耀祥都有機會，畢竟佢同TVB有部頭合約在身，關係緊密～

Photo from 《逆緣》劇照

# 陳家樂

另外，有啲黑馬都唔可以忽略，就好似《逆緣》入面陳家樂大受歡迎，佢仲因為呢套劇一炮而紅，雖然無同TVB有任何關係，只係自由身加盟，不過近年TVB都試過比外來人封王，例如有黃秋生同黃子華，雖然機會唔係無，不過都唔大～

Photo from 《逆緣》劇照

# 袁偉豪

而另一位黑馬就係袁偉豪，剛剛拿下馬來西亞、新加坡雙料視帝，要做三料視帝似乎唔易～不過，今年佢有3套劇集，喺《三個女人一個「因」》同埋《棟仁的時光》入面都表現亮眼，呢一年佢嘅演技進步唔少，加上TVB力捧，最後成功連中三元，成為三料視帝，都唔係無可能呀～

Photo from 《棟仁的時光》劇照

Text：GirlsLike Editorial

Photo Source：TVB劇照