假日就是要啟動「廢人模式」～日本宅女拍片紀錄「廢人週末」，放假只想窩在家中耍廢，斷斷續續睡10多小時！

出嚟社會工作一段時間，就發現「充足休息」係一件好奢侈嘅事。於是一到放假，就開動「廢人模式」，慰勞自己平日工作朝9晚9嘅生活～瞓到自然醒，食飽再瞓晏教、無預先安排日程已經廢人模式嘅基本功～日本有一個宅女 YouTuber まみむめもちお 就將自己嘅「廢青週末日常」拍片紀錄低，一連串頹廢生活竟然獲得唔少人共鳴！香港人，大家都攰喇，辛苦哂喇咁多位（淚）

碌完instagram、facebook同what's app後，感覺係時候要起身了～但突然間睡魔又再次急call，明明係岩岩醒，但就要攤落床小睡片刻～

可以叫醒我嘅只有一件事情：肚餓～由於係剛瞓醒嘅關係，未有心情煮嘢食，所以要搵下屋企有無即食食物先充飢～

最後選擇食香蕉，又快又方便～一邊食就一邊繼續碌電話，無無聊聊又可以碌上1個鐘～

碌到咁上下時間，已經無更新動態可以睇，就開始覺得自己太廢了，決定做番啲有意義嘅事，不如就收拾一下屋企吧～

洗完衫，就執下星期一至五堆積如山、隨處亂放嘅「衣服山」同一地垃圾，自我感覺終於似番個女仔！

打掃完一輪，姐嘅精力又再次用完了。先躺一躺，反正又唔趕時間！

廢人嘅狀態就係將一切工作拖慢去做，連瞓教都可以瞓上10多小時，仲要攤開幾次去做，這就是放假做廢人嘅幸福！

斷斷續續瞓咗10幾個鍾，終於補夠眠了～的起心肝做吓其他嘢，帶番副眼鏡睇睇報紙上有關超級市場有咩優惠先～

睇咗無幾耐，又被舒服嘅魔力吸引住，整個人開始再次放空......

算啦，唔理喇，都係再小睡片刻吧～

瞓到太陽差唔多落山，一早起身食?隻蕉都已經抵擋唔住肚餓感，終於起身住個飯！但煮之前就要洗好之前囤積落嚟嘅杯杯碟碟～

終於搞掂有得食了，廢人就係唔會將食物另外用碟上，洗少一隻碟嘛～

咁樣嘅假日生活相信都係唔少香港人嘅寫照嚟，雖然係好攰，但姐就是星期一至五都將精力消耗得七七八八了～就畀我過一個頹廢糜爛嘅廢人假日吧~

Photo source：Youtube