周海媚不婚不育全因身體理由！51歲單身生活依然精彩：「我不喜歡被管，亦覺得沒需要結婚」
近期深宵時段劇集《義不容情》又再次成為熱話，比機會我地重溫番明星們年輕時青澀嘅模樣，而周海媚都係其中之一～劇入面講述佢暗戀主角黃日華，但最後就因得唔到黃日華嘅愛而自殺，感情路上非常坎坷。而現實中，佢愛情路所經歷嘅都並非一帆風順，不過宜家已經51歲嘅佢，雖然未婚未育，但依然生活得好精彩～
Photo from 周海媚@Weibo
周海媚1985年參選香港小姐出道，由1986年開始， 去到90年代佢最少一年會拍攝三套劇集，而且大多數都係扮演主角，備受大台力，捧由90年代起，周海媚就開始拍攝外購劇，而佢嘅代表作亦喺呢幾年內出現。1994年《倚天屠龍記》中佢飾演周芷若，被公認係多年來最佳；1997年大台出品《大鬧廣昌隆》入面，佢演嘅小芙蓉更係佢嘅代表作～
Photo from Sina
除咗演戲之外，周海媚90年代時喺其他方面都發揮得好出色～1995年佢推出過國語唱片《日出愛情》，佢仲曾經出演張學友為人熟悉嘅國語代表作《吻別》當中嘅MV女主角，只係短短幾分鐘嘅演出，已經令人非常難忘！
Photo from Sina
即使近年，周海媚依然有唔少出色作品～2009年嘅《蔡鍔與小鳳仙》、2014年嘅《武媚娘傳奇》，而喺啱啱拍完嘅《倚天屠龍記》入面佢仲飾演滅絕師太，可見演技深厚。
Photo from 周海媚@Weibo
而周海媚嘅感情生活亦多姿多采，19歲參加完港姐之後，佢喺演出嘅劇集《小島風雲》入面同男主角呂良偉相戀，22歲嘅時候仲喺拉斯維加斯秘密結婚， 但婚姻只係維持咗幾個月，多年後先被人發現。
Photo from 周海媚@Weibo
90年代周海媚嘅緋聞亦隨住事業起飛而增加，喺拍攝《回到未嫁時》嘅時候同黎明傳出緋聞，其後仲同演員林偉亮、日本演員永瀨正敏、商人伍士榮同埋導演周家文傳出緋聞。而當中永瀨正敏就係因為同周海媚嘅緋聞，成為同太太離婚嘅導火線。周海媚大概2000年北上發展，2004年同建築師男友移居北京，拍12年拖，直到近年先分手。
Photo from 周海媚@Weibo
前年傳出消息，指兩人係因為結婚問題上未能達成共識而和平分手，周海媚就話自己無諗過結婚，佢話：「我是一個愛自由的人，不喜歡被管，亦覺得沒需要結婚，況且我並不想要小朋友。雖然我喜歡小朋友，但在我十幾歲時發現天生血小板過低，醫生跟我說，如果以後生育的話會有生命危險，會大出血。」「婚姻不是我的歸宿，我只想在愛情路上奔跑。」雖然準備踏入52歲，未婚未育，依然活得好精彩，而且因為佢凍齡有道，至今依然係唔少男人嘅女神～
Photo from 周海媚@Weibo
雖然唔打算結婚生小朋友，但鐘意小朋友嘅周海媚多年來喺內地助養咗唔少兒童，甚至有捐助醫藥費。周海媚嘅故事話比我地知，其實結婚唔係唯一嘅路，只要搵到最適合自己嘅生活方式，一樣可以活得好精彩～
Photo from 周海媚@Weibo
Text：GirlsLike Editorial
Photo Source：Weibo
