會Mean你是一心想你好的朋友！研究：mean精比一般人更有同情心～又mean又串才是真朋友表現～

有一樣生物，天下間男人都為之而恐懼，而且圍繞佢身邊嘅，那就是女朋友身邊嘅一班「八婆好友」。每個女人身邊都有唔少「嘴賤」姐妹，說話總係不留情面、一針見血，絕對唔同你轉彎抹角。同佢哋相處，真係對佢少幾分認識同幽默感都唔得，隨時接唔到下句之餘，仲傷害咗你弱少心靈～如果你身邊都有咁嘅好姐妹，請珍惜！

Photo from paisleyhu ＠ ig

英國普利茅斯大學（University of Plymouth）一項研究指出，成日講嘢又mean又串嘅朋友，並唔係想要羞辱你，反而係為咗你嘅將來著想！心理學家貝倫（Belén López-Pérez）同佢嘅團對 140 個成年人進行模擬調查，驗證咗「口不饒人心地善，心不饒人嘴上甜」呢句說話！

Photo from paisleyhu ＠ ig

研究指出，成日講mean爆說話嘅朋友，有時候可能令你覺得「難聽過粗口」，但佢哋嘅出發點都係唔想畀假希望同虛偽嘅建議你～作為你好朋友，佢哋會覺得「有?句就講?句」，所以就將忠言坦坦白白講出嚟，令你感覺有如當頭棒喝一樣。

Photo from elaine_yiu @ ig

唔好以為佢哋咁做係狠心，研究發現呢一種會mean你嘅人，比起其他人更有同情心，相比起口甜舌滑嘅朋友，佢哋會更想你得到成功！每個人遇過好多咀裏滿是好話嘅人，但事實上只不過係講幾句客套說話，令大家相處融洽，事實上根本唔會在意你成功定失敗～

Photo from elaine_yiu @ ig

當然，呢個研究唔係指喜歡諷刺你嘅人先係值得深交嘅好友，始終世界上有太多人將自己嘅快樂建築於別人痛苦身上，終日貶低別人去獲取滿足感。聰明女生一定要帶眼識人，分清誰人才是一直mean住地待你如家人一樣～

Photo source：Instagram