網民:喊到收唔到聲!劉以豪、陳意涵《比悲傷更悲傷的故事》重現經典虐心電影,比韓版更摧淚~

網民:喊到收唔到聲!劉以豪、陳意涵《比悲傷更悲傷的故事》重現經典虐心電影,比韓版更摧淚~

Lifestyle Movie
By Aisa on 04 Dec 2018

最近大家都不斷討論由劉以豪、陳意涵嘅愛情片《比悲傷更悲傷的故事》,呢套電影由2009年韓版《最悲傷的故事》改編,劉以豪喺劇入面飾演罹患絕症嘅音樂人「K」,陳意涵飾演嘅「Cream」係佢青梅竹馬兼作詞人好友,聽落好似好普通嘅劇情設定,卻充滿住好多令人感動嘅情節,唔少已經睇咗呢套片嘅網友,都話喊到收唔到聲呀~

Photo from 《比悲傷更悲傷的故事》

故事中講述K 同 Cream 同居咗10年,雖然深愛彼此,但又唔敢再向前跨出一步,兩人一齊嘅每一日都係幸福嘅,一直到 K 被診斷出患上絕症,佢唔想比 Cream 知道,而佢唯一嘅願望就係 Cream 可以嫁比一個好男人~

Photo from 《比悲傷更悲傷的故事》

預告片入面有一段對話講到,

Cream:「有什麼事情是你很想做,但你還沒做的?」

K:「找個好男人,趕快結婚吧!」

Cream:「那你娶我啊!」

K:「我就不是個好男人。」

當中 K 嘅意思除咗話比 Cream 知佢唔可以同佢結婚外,更重要可能係想講自己唔係一個「好」男人,唔可以盡責照顧佢一世,唔係一個可以陪住 Cream 走完一生嘅人。

Photo from 《比悲傷更悲傷的故事》

K :「她會幸福的,就算現在不會,以後肯定會。」K 之後決定將 Cream 託付比佢嘅摯友(張書豪飾),預告入面見到 Cream 似乎真係同 K 嘅好友步入禮堂。但 Cream 到底點解會決定嫁比佢而唔係 K 呢?係因為愛上另一個人,定只係成想全 K 嘅願望?預告片為我地留下伏筆。

Photo from 《比悲傷更悲傷的故事》

K 因為覺得自己比唔到 Cream 幸福,所以自私為對方規劃未來,但你所給予對方嘅到底係唔係佢真正想要嘅?唔講出口嘅愛,算係一種愛定係一種傷害?

Photo from 《比悲傷更悲傷的故事》

今次劉以豪喺《比悲傷更悲傷的故事》入面,挑戰頹廢音樂人造型,而陳意涵都一改以往可愛形象,喺預告片入面聽到佢撕心裂肺嘅叫喊,真係令人都有想跟住喊嘅衝動~

Photo from 《比悲傷更悲傷的故事》

雖然係翻拍韓版《比悲傷更悲傷的故事》,不過導演林孝謙就話片入面有好多同韓版唔一樣嘅細節,而且故事更加活潑,唔會令觀眾有「重睇一次」嘅感覺!

Photo from 《比悲傷更悲傷的故事》

韓版《比悲傷更悲傷的故事》

而韓版《最悲傷的故事》係由權相佑同埋李寶英飾演 K 同埋 Cream,講述兩人一個係自幼被父母拋棄嘅電台製作人,一個係車禍中痛失雙親嘅作詞家。兩人喺命運嘅牽引下相遇,互相填補大家嘅空虛同寂寞,日子一直好幸福,直到 K 身患絕症,只剩下二百日嘅生命......

Photo from 《最悲傷的故事》

而韓版嘅結局都係非常悲傷,睇完韓版《最悲傷的故事》,好多人不禁思考到底真愛係成全定係共苦呢?亦有網民話台版比韓版更虐心,不過小編相信兩套電影各有特色,都好值得大家一睇呀!

Photo from 《最悲傷的故事》

Text:GirlsLike Editorial

Photo Source:《比悲傷更悲傷的故事》,《最悲傷的故事》

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK