《怪獸2》中國版海報曝光！6隻怪獸配搭傳統水墨畫效果超驚喜，玻璃獸抱著黃金的樣子好可愛！

《怪獸與葛林戴華德的罪行》（《怪獸2》）熱播中，除咗各個角色都超吸睛外，唔少人都被戲中嘅怪獸們迷倒！而《怪獸2》日前就公佈咗6張中國版嘅海報，當中以中國傳統水墨畫風配搭黑魔貓、木精、《山海經》的中國神獸騶吾、玻璃獸、水怪、報喪鴉，效果意外地好驚喜！

呢6張中國風海報由中國藝術家《大魚海棠》美術導演張春所創作，佢以中國水墨畫的風格畫出電影中6隻怪獸，令呢6張怪獸添加一種古典的傳統味道，十分有中國特色～！

而怪獸們的名字就以中國傳統印章的形式來呈現，電影名字則以毛筆字書寫，加上細膩嘅畫風巧妙地將中國水墨畫同怪獸們結合，完全一點違和感都冇～

1.木精

木精的開鎖技能非常高超，因此不幸成為黑市的搶手貨，佢經常藏喺紐特口袋內，重要時刻都成為紐特嘅救星！

2.黑貓魔

黑貓魔係魔法部嘅守衛，外表好似無毛貓，佢地被惹怒先會主動攻擊敵人，會變成更具威脅性的形態。

3.水怪

水怪身上有又長又粗綠色海帶，佢地非常強壯同難以馴服，被佢地咬到超級痛！不過只一要一經馴服就會變得溫馴，紐特就係罕有可馴服水怪嘅人～

4.騶吾

來自中國《山海經》的神獸，佢體積如大象般龐大，樣子好似獅子，同貓貓一樣鍾意鈴鐺玩具，紐特係唯一可以馴服佢嘅人。

5.玻璃獸

玻璃獸對一切閃閃發光的東西都特別偏愛，佢地非常靈活敏捷，會偷取眼前發光物件，然後將寶物藏於腹中，雖然性格溫順但會為咗得到財寶不惜造成破壞，天生係個調皮搗蛋鬼！

6.報喪鴉

報喪鴉係巨型、類似貓頭鷹的鳥類，佢地可以預測天氣，快下雨時就會開始叫～

將呢6張海報拼在一起就會出現一張完整嘅水墨畫，6幅畫寓意「六福屏風得神獸」，諧音「福祿壽」，成個作品真係好有意義啊！

Text：GirlsLike Editorial

Photo source：Pinterest