余文樂結婚一周年感謝太太 「以前唔知咩係聖誕節，宜家唔同喇。」柔情父愛甜到漏，工作減產、不接親子節目全為半歲愛兒～

余文樂 （Shawn） 一向比人感覺係潮到世界盡頭嘅時尚人物，自從成為新手爸爸嘅Shawn，父愛味擋不住，不時上載半歲大嘅仔仔Cody背影、手仔腳仔嘅相至個人社交平台。社交網站字裡行間盡顯佢對BB嘅溺愛同愛護。昔人走在潮流尖端，成個instagram都係「潮物」嘅 Shawn ，如今成個instagram都係囝囝Cody～早前出席公開活動時表示，今年係佢跟仔仔過嘅第一個聖誕節，仲咪咪嘴笑：「以前唔知咩係聖誕節，但現在唔同喇。」Shawn為咗Cody 減少工作量，並在留喺香港跟屋企人過聖誕，唔單止一改潮流大過天本色，仲由工作狂人變成廿四孝爸爸，唔再將工作放第一位，果然男人成家立室後都會收心養性～

Photo from lok666 @ ig

樂仔同太太王棠云喺instagram上發文，留言：「一年前的今天我做了一個人生最大的決定。一年過後我知道我是除了做了一個最大的決定，也是做了最好的決定。謝謝妳這一年對我的一切」王棠云則說：「一年了...看看照片還是覺得像夢一樣。」

Photo from sarah9_23 ＠ ig

Photo from sarah9_23 ＠ ig

余文樂又話自己已經準備咗聖誕禮物畀Cody，但佢就唔主張送太多玩具畀細路仔，未知係咪想仔仔學識好似Daddy一樣，靠自己努力打江山呢～

Photo from lok666 @ ig

雖然Cody嘅正面樣未曾曝光，但樂仔慈父口吻已經盡顯父愛，「每日最開心的事就係望住你。」

Photo from lok666 @ ig

Photo from lok666 @ ig

由以前「舉杯到天明」嘅生活，樂仔上載手抱Cody嘅相打趣咁講：「而家weekend的節目」，成為湊仔公嘅日子未必易過，但眼見樂仔一臉甜絲絲望住愛子，晝面真美～

Photo from lok666 @ ig

Photo from lok666 @ ig

樂仔坦言唔想仔仔上鏡，所以唔會接拍內地親子節目，因為怕小朋友辛苦。句句都盡顯慈父口吻，又學識耐性地餵Cody「食mum mum」，好有愛啊～

Photo from lok666 @ ig

手抱Cody ，輕吻囝囝頭仔，大家都被呢幕溶化了～果然漢子都有柔情一刻，或者好似樂仔咁講，為人父親「能見你一面，多遠都值得。」

Photo from lok666 @ ig

雖然忙於湊仔又忙於工作，但為Cody「打扮」，對於潮人樂仔應該係一件賞心悅目又令人興奮嘅事。身成潮爸，樂仔高興寫道「終於等到你穿上。」寶寶腳仔細細，雖然未識行路，但「父子裝」就係要曬「溫馨感」嘛！

Photo from lok666 @ ig

兩仔爺一齊睇NBA，Cody年紀輕輕就開始品嚐何謂「男人的浪漫」～

Photo from lok666 @ ig

樂仔被問到會唔會想添個女，佢就話正在努力中。因為太太係獨女，而且兩公婆都想為Cody添個伴，所以目標係生3個bb！但樂仔就笑言自己年紀唔細，，而照顧小朋友需要好多精力，特別係佢哋兩公婆主張身教，唔想將教導小朋友嘅工作假手於人，因此希望親力親為，伴着小朋友成長，大家都係再畀啲時間樂仔啦～

Photo from lok666 @ ig

幸福唔需要向全世界交代，更唔需要大聲宣揚，眼見余文樂低調地愛妻愛子，閒時又會抱Cody去睇海，呢對父子身影，令人感到特別幸福～

Photo from lok666 @ ig

Text：GirlsLike Editorial

Photo Source：Instagram