「追蹤的不是別人的步伐，而是自己的心」李佳芯踏入36歲活在當下，追隨目標做不完美的自己～

By Aisa on 04 Dec 2018

李佳芯（Ali）啱啱就慶祝完36歲生日，目前佢愛情事業都發展得好順利，不過佢就話唔會強求結果，只係想拼命去追隨自己嘅目標。踏入36歲，人生上有唔少體會，佢就話：「這並不完美，但這就是我。」前年，佢有份角逐視后獎座，但就好謙虛咁話自己未夠班，只係想爭奪飛躍進步獎，佢曾經講過：「如果觀眾認定我演媽媽角色時，我會心想：『好，拍攝下部劇時，我要令你改觀。』」可見 Ali 對自己要求都唔低，今年萬千星輝頒獎典禮希望佢可以有一番突破啦～

Photo from aliaime@Instagram

Ali 不時會喺 Instagram 上分享經歷同埋人生哲理，大家喺關注佢嘅時候，同時被勉勵，從中獲得正能量～

Photo from aliaime@Instagram

Ali：「Follow的不是別人的步伐，而是自己的心。」

我地成日會被社會嘅價值觀所綁架，尤其係女人提到「老」、「不婚」、「不育」好似係一種罪過咁，當我地成日強逼自己配合大眾步伐嘅時候，卻忽略咗內心嘅真正感受～其實我地唔一定要跟住公式嚟行，走自己想走嘅路，多關心自己先係活在世上最重要嘅事情～

Photo from aliaime@Instagram

Ali：「活在當下，不要想得太遠，結果可以是好是壞，因此成為愚昧、誠實和仁慈的人吧！我是個夢想家，不是計劃家。」

做一個決定嘅時候，我地都會諗得好長遠，長遠到會考慮到五年後、十年後事情會係咩模樣，但中間會發生咩事我地永遠唔會知道，何必要苦了自己，花盡心機同時間去想太多，其實結果有時候會出乎我地意料，所以簡單輕鬆嘅事，就簡單做決定啦，活在當下，見步行步，做人都會比較輕鬆，只要目標明確同堅持，你終有一日會達到目的地。