7歲男孩寫信祝亡父「生日快樂」，郵局回覆：往天堂路是艱難的挑戰，要避開星星和銀河系，我們已盡力把信送到天堂！

By Michelle on 04 Dec 2018

Digital Editor

Life is short, don't be lazy . Be your own idol to enjoy every moment !

小朋友就等同一張白紙一樣，未曾踏入社會，不知天高地厚，思想上無半點污染，純真地度過美好嘅童年。英國有一個7歲男童，喺爸爸去世後，一直不間斷寫信畀天堂嘅爸爸，祝佢「生日快樂」。今年男童如樓寄信，無諗過一個月後，男童真係收到來自天堂嘅回信，天真嘅男童開心到崩潰大哭，如此純真嘅愛，對大人而言，就係一顆大洋蔥啊～（淚）

Photo from from Facebook

家住英國愛丁堡嘅7歲小男孩Jase Hyndman，爸爸喺佢3歲時就去世，當時Jase仲好細個，理應唔明白何謂「親情」，但奇妙在Jase 對爸爸仍然依依不捨，一直記掛在心，大概就是「情濃於水」吧～佢仲記得媽媽對佢講過：「爸爸好愛你，會一直喺天上眷顧住你～」於是，每年嘅「死忌」，Jase都會幫爸爸「慶祝生日」—寫信畀爸爸祝佢生日快樂。

Photo from from Facebook

雖然無一年得到「回信」，但佢仍然堅持把愛意都寫進信裏，希望有一日爸爸睇完信後會回覆佢。有次，Jase忽發奇想，喺信嘅封面上寫上：「郵差先生，你能把這封信送往天堂嗎？我想跟爸爸說一聲『生日快樂』，謝謝」（Mr postman, can you take this to Heaven for my dad's Birthday, thanks）。小編睇到呢度，都鼻頭一酸.....

Photo from from Facebook

或者Jase都無諗過爸爸會回信，但小孩子懵懵懂懂，天真地愛人，呢封「天堂回信」，令Jase欣喜若狂，因為今次爸爸真係有「回信」！

Photo from from Facebook

原來呢封信喺來自皇家郵政 (Royal Mail) 嘅回信。郵差叔叔似乎明白小孩子心意，怕佢會失望，於是皇家郵政經理喺信上寫道：「我知道這封郵件對你來說有多麼的重要，且皇家郵政首要任務就是要把客戶的信安全送達，所以請你放心，這封你對爸爸祝福的信件，我們一定會想盡辦法送到天堂。」皇家郵政經理又於信入面指：「往天堂的路是很艱難的挑戰，因為要避開星星和銀河系天體」，但已經順利把信送往天堂。