回巢拍劇,因覺得自己欠香港觀眾一套劇!《大帥哥》播出評價兩極,網民:「香港人請珍惜張衛健」

回巢拍劇,因覺得自己欠香港觀眾一套劇!《大帥哥》播出評價兩極,網民:「香港人請珍惜張衛健」

Hot Topics
By Aisa on 06 Dec 2018

《是咁的,法官閣下》播放完畢後,就輪到台慶劇《大帥哥》上陣, 當中仲有回巢演出嘅張衛健,令唔少香港人都好期待~不過張衛健話今次回巢,絕對唔計片酬,單純為咗報恩,仲話當初唔續約係因為價錢談唔啱,所以先離開。而《大帥哥》首播,評價非常兩極,但有唔少網民覺得成套劇都係由張衛健一個Carry~

Photo from 《大帥哥》劇照

數到大台經典劇集,一定係由張衛健主演嘅《西遊記》,係唔少香港人嘅集體回憶,亦有唔少90後係睇呢套劇長大,當年張衛健生動嘅演出,演活咗孫悟空呢個角色,大家都話佢係最出色嘅孫悟空,劇中嘅對白亦成為經典~

Photo from 《西遊記》劇照

近年來,好多港人都覺得大台劇集嘅質素每況愈下,再搵唔番好似以前咁有質素嘅劇集,電視迷都好 懷念以前電視送飯嘅日子~當年有盛傳張衛健會拍《西遊記》續集,但佢最後選擇離開TVB,雖然如此,但一向有情有義嘅佢心入面一直覺得自己欠香港觀眾一套劇!所以佢今次就番嚟大台拍劇,除咗想感激大台之餘,亦為此事劃上一個句號~

Photo from 《西遊記》劇照

而《大帥哥》開播無耐,網民們評價兩極,意見好懷參半!第一集播出嘅時候,張衛健講出咗唔少來自《齊天大聖》同《小寶與康熙》嘅經典對白,好像有「型到跌渣!」「涼風有信,秋月無邊。虧我思嬌情緒,好比度日如年,雖則我唔係玉樹臨風,瀟灑倜儻,但我有廣闊既胸襟,加強勁嘅臂彎。」等等,勾起觀眾們好多回憶,引起唔少共嗚~

Photo from 《大帥哥》劇照

表示支持嘅網民就覺得劇集情節奏明快,張衛健生動嘅演出無第二位大台演員能及,仲話成部劇係靠佢一個人carry~而表示唔鐘意嘅網民,就覺得張衛健嘅風格來來去去都係咁樣,無咩突破,仲話張衛健一念急口令就令人有種尷尬嘅感覺。

Photo from 張衛健@Weibo

不過好多睇過張衛健經典劇集嘅人,都已經深深將當年嘅角色記喺腦入面,宜家確實無咩新一代演員可以好似張衛健一樣將角色演活,所以網民話:「香港人請珍惜張衛健!」都係有原因嘅,就等我地一齊期待下《大帥哥》之後嘅劇情發展啦~

Photo from 《大帥哥》劇照

Text:GirlsLike Editorial

Photo Source:《大帥哥》,《西遊記》,Weibo

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK