《是咁的！法官閣下》演智障少女，細細粒為入戲，高峰要日喊8個鐘，「我一直未被認同。」
細細粒（陳嘉佳）喺剛剛播完嘅《是咁的！法官閣下》飾演智障少女，被指控殺人同肢解屍體而入牢。因為無判斷能力，又畀人屈，每集都有唔少喊爆場面。其中喺獄中無助痛哭一幕令網民留下深刻印象，大家都勁讚細細粒好戲！
Photo from from Tvb
喺《是咁的，法官閣下》中，細細粒一改行喜劇路線風格，第一次挑戰飾演低智商少女阿Bell，由於劑本係參考同樣改編自真實肢解案嘅電影《踏血尋梅》，細細粒為咗演活崩潰兼無助嘅低智人士，每日都要醞釀情緒，「哭得眼睛也快瞎了，情緒一直進入狀態內。」
有別於以前演大癲大肺嘅角色，佢喺個人社交網站上寫出感受「大家多多支持，《是咁的。法官閣下》 這戲拍的時候我哭得眼睛也快瞎了，情緒一直進入狀態內，我演的是殺人case內的一個角色，跟我過往演的角色完全相反，的確這劇我很用心去演，相信可以看到另一個我，我自己也很期待當中的發揮，每當別人跟我說這劇你演得不錯的時候，我更是期待到底我演成怎樣了，請大家要多多支持。」
Photo from siupochankakai @ ig
事實上，演員敬業樂業並唔係我哋想像中咁簡單。細細粒話，自己為咗可以喺拍劇時保持情緒，拍劇時好少同人交流，令自己變得沉默寡言，蘊釀情緒一路至正式埋位，每日都要喊足幾個鐘。「每日喊到眼腫晒，返屋企阿媽都問我發生咩事。」高峰日子試過一日喊8個鐘！都咪話唔辛苦～
Photo from from Tvb
細細粒喺肢解場面入面，演出唔過火又成功令觀眾睇到勁心寒~
Photo from from Tvb
細細粒擁有八級鋼琴資歷，其實大可以做個鋼琴教師，偏偏就心儀「電影」。選擇又辛苦又低人工嘅電影道具公司任文職，大概係有個「表演夢」吧～因為從事相關行業，成功撈到「臨時演員」嘅機會，後來更認識到王祖藍，開始佢嘅演員之路。
Photo from kakaimay ＠ ig
細細粒呢個稱呼都係因為佢喺《老表，你好嘢》中，有令人深刻嘅演出。觀眾開始對佢留下印象，記得呢位曾經寂寂無名小臨記。
Photo from from TVB
細細粒身型一啲都唔細粒，由細肥到大嘅佢，自言細個嘅時候就好恨拍拖，但就因為身型肥胖，與異性無緣。細細粒仲表示童年生活過得唔太開心，因為身型肥胖缺少朋友，「開心只係同屋企人，返學嘅朋友唔多，因為肥，同學仔唔鍾意同我玩，分組活動，永遠冇人肯同我一組，所以小學過得唔開心。」
Photo from from Sina
講到啱啱入娛樂圈嘅辛酸史，唔好覺得肥人就必定好捱得。細細粒話自己試過接拍動作片，開鏡時知道有打鬥場面，但因為導演話搵唔到有身型跟細細粒相近嘅替身，於是細細粒就無奈要親身上陣。除咗明白自己身型唔係大眾路線，二來肥胖身型確實為佢帶來好多不便～有人甚至會覺得細細粒係「重口味」，令佢成為笑柄。
Photo from siupochankakai @ ig
但天性樂觀嘅佢就無因此而放棄演戲路，仲自嘲「我份人無腦袋，平時有甚麼難聽的話，我都不會不開心。」 學細細粒咁講，跟隨主流唔係錯，「但做事要有新思想，能接受新事物，可能有另一種感覺。」今次細細粒一改平時「笑匠」面孔，有破格大膽嘅演出，希望細細粒日後會為大家帶來更多好戲！
Text：GirslLike Editorial
Photo source：Sina, Instagram
