老公郭可頌平時低調，超願為熊黛林花錢！由當年的天王嫂到今日的幸福人妻，一路以來不容易～
剛過39歲生日嘅熊黛林Lynn，慶祝生日當日大方公開同一對可愛孖女嘅合照，仲好幸福咁寫話：「今年多兩個陪我過生日啦」相信呢年最大嘅生日禮物，一定就係佢同老公郭可頌呢對寶貝雙胞胎囡囡Kaylor同Lyvia啦～不過，能夠成為有兩個寶貝女嘅幸福媽媽兼人妻，搵到到自己嘅幸福，一路走來其實一啲都唔易。早兩日元宵節，佢仲喺微博大曬素顏照，已為人母但皮膚仍然充滿光澤，就知佢有幾幸福啦！
Photo from 熊黛林@Weibo
早兩日元宵節，熊黛林Lynn就喺微博大曬素顏照：「忙碌了一天寶寶們都睡了，终於迎來了我的私人時間，吃完湯圓趕緊上床，不捨得睡，準備“煲劇”，當媽的人應該能體會到我現在的感受吧 」雖然文字係講及湊BB嘅忙碌，不過大家應該都可以感受到佢字裡行間所流露嘅甜蜜，而相入面更可以見到已為兩個小朋友媽媽嘅佢，皮膚仍然充滿光澤，就咁望就知佢有幾幸福啦！
Photo from 熊黛林@Weibo
2013年，熊黛林同郭富城宣佈分手，結束7年感情，郭富城更以「不合腳的鞋」去形容熊黛林。事隔1年多，熊黛林終於搵到生命中嘅「對的人」郭可頌，佢地喺2016年正式結為夫婦～
Photo from 熊黛林Lynn@Weibo
郭可頌比熊黛林Lynn大兩年，係郭可盈嘅弟弟，係屋企入面唯一嘅男丁，家境富裕，亡父遺下過百億資產同埋億萬塑膠生意，佢宜家更擁有自己嘅出口公司。
Photo from 熊黛林Lynn@Weibo
雖然出身豪門，不過郭可頌好低調同平實，平時都係著得簡簡單單，不過佢就好願意花錢喺熊黛林Lynn身上，佢地仲係拍拖嘅時候，郭可頌就周不時會大手筆送禮物比熊黛林，仲買咗3克拉大鑽戒向熊黛林Lynn求婚，買下接近1億嘅全海景觀豪宅作為二人新居，而該豪更係同熊黛林聯名，可見佢對於同熊黛林組織家庭非常有誠意～
Photo from 熊黛林Lynn@Weibo
上年，熊黛林Lynn為求早日幫郭家開枝散葉，秘密接受人工受孕，好彩一擊即中，成功懷有孖女，今年4月誕下Kaylor同埋Lyvia。
Photo from 熊黛林Lynn@Weibo
懷孕期間，郭可頌好心痛老婆熊黛林Lynn，一直形影不離照顧佢，佢體諒熊黛林Lynn孕期情緒會比較暴躁，所以就算日頭番工已經好辛苦，郭可頌都願意深夜開車去到好遠，幫熊黛林買佢鐘意食嘅夜宵。
Photo from 熊黛林Lynn@Weibo
熊黛林Lynn生產嘅時候，郭可頌安排佢入住日租8千嘅豪華套房，住院費加上開刀費、麻醉師以及兒科醫生診金，保守估計都要用大約20萬港紙，為嘅係唔想比妻子吃苦。
Photo from 熊黛林Lynn@Weibo
熊黛林Lynn入醫院剖腹當日，郭可頌全程寸步不離陪住佢，到佢誕下女兒，郭可頌盡量分配好時間，抽大量時間陪伴熊黛林，同埋幫忙照顧女兒，仲請咗兩個專業陪月員24小時貼身幫手～喺熊黛林奶奶同埋母親嘅照料下，佢坐月時候每日都會以燉冬蟲草進補，再加上其他名貴補品同藥材，就坐月費都至少要100萬！
Photo from 熊黛林Lynn@Weibo
近日更加有傳郭可頌打算喺香港買樓送給岳母，正因為郭可頌事業心同家庭觀念一樣重，所以比到熊黛林Lynn好大安全感，由當年去到現在，熊黛林今時今日萬千寵愛在一生身，成為一位真正嘅幸福人妻～
Photo from 熊黛林Lynn@Weibo
Text：Girlslike
Photo Source：Weibo
