包包臉人緣好、大屁股財運較好！不要再盲目追求瘦了，肉肉女根本就是人生勝利組～

雖然時下唔少女性都追求「瘦」，一味尋求各種方法去達到纖瘦效果～不過以面相學嚟講，微胖女先係最有福氣嫁，而且，過往都有研究證實過，同微胖女交往幸福感比起同骨感女多出10倍咁多，所以真係唔係愈瘦愈好嫁，唔好再盲目追隨潮流減肥啦，做個自信嘅自己啦～

# 臉上有肉人緣好

唔知大家有無發現，嫁入豪門嘅女星臉上通常都係圓潤有肉～以面相學嚟講，臉上有肉嘅人人際關係較好，甚至連財運都會加分，而且仲更易比人一種親民嘅感覺，其他人都會比較易對你產生好感，所以各位女仔要好好珍惜自己嘅包包面，唔好一味追求瘦面啦！

# 下巴豐滿晚年幸福

下巴望落豐滿有肉嘅女仔，晚年運勢都會比較好，除咗會對於自己嘅財運同埋健康運勢有幫助，就連後代嘅運勢都會被眷顧嫁！

# 肩膀寬厚更吸引成熟男

成日都介意自己肩膀太寬太厚，搞到睇落好似好大隻咁？原來喺成熟男眼中，呢個係你嘅魅力之處啵～面相學嚟睇，女人肩寬代表住心胸比較寬闊，有容人之量，呢股魅力好易會吸引到事業有成就嘅成熟男人～

# 太細的腿勞碌命

宜家唔少女仔都用盡各種方法瘦腳，務求令自己變成所謂嘅「鉛筆腳」， 不過原來腿太幼係代表勞碌命，因為以前通常只係要做苦工、要捱嘅女仔先會養成呢種「鳥仔腳」呀，所以女仔嘅腿唔適宜過幼，最緊要係合比例～

# 屁股大不但好生養

屁股大好生養就聽得多，但唔講唔知原來屁股豐滿圓潤嘅女仔通常都有較好嘅財運～相反，屁股乾扁、無肉嘅女仔就會過得比較奔波，喺傳統相學角度，屁股細嘅女仔真係比較不利於生育，所以屁股有肉對女性嚟講真係好重要嫁！

綜合以上5點，明顯地話比大家知肉肉女先係人生勝利組呀，大家要為自己自豪啦～

Text: GirlsLike Editorial
Photo Source: Instagram