「為甚麼要被別人捧在手心？我自己有手，我捧紅了自己」，39歲未婚陳喬恩不當男人的公主，愛自己的女王。

By Michelle on 11 Dec 2018

Digital Editor

Life is short, don't be lazy . Be your own idol to enjoy every moment !

台灣女星陳喬恩拍過唔少經典偶像劇，2008年以《命中注定我愛你》打破並刷新台灣偶像劇收視最高紀錄，每套劇集做過嘅角色都深入民心，而性格爽直，加上甜美外表顏值度爆表，令呢位甜姐兒形象非常入屋～39歲嘅佢，經常外界追問幾時結婚，最近參與內地節目《吐槽大會3》時，大談自己對戀愛嘅睇法：「我為甚麼要被別人捧在手心？我自己有手，而且我捧紅了我自己。」字字鏗鏘，作為新時代女性，陳喬恩擁有獨立思考兼女性智慧，的確好值得大家學習～

Photo from from Weibo

＃1 感情生活低調

陳喬恩感情生活一向低調，眾所周知就係佢跟霍建華有過一段感情。雖然唔可以開花結果，但陳喬恩面對外界催婚，就從來都係神態自若地笑一笑，輕描淡寫去應對～正如佢自己所講：「我為甚麼要被別人捧在手心？我自己有手，而且我捧紅了我自己。」幸福可以係一種自我滿足嘅狀態，而且，幸福根本唔需要向全世界交代，唯有明白自己優點，就可以當一個愛自己嘅女王。

Photo from from Weibo

＃2 愈活愈成熟

2003年，霍建華同陳喬恩喺《千金百分百》因戲生情，分手後，男方曾公開承認自己與陳喬恩交往過，但兩人終究都係有緣無分，錯過對方。至於分手原因，霍建華曾喺一次訪問中講過：「她要得太多，我無法付出。」外界推測陳喬恩過份依賴，令男方受不了。日子過去，陳喬恩變得更加優秀，10年後二人再次合作—拍《笑傲江湖》，當時外界一致睇好兩個人有機會復合，但經過10年時間沉澱，陳喬恩無再留戀舊日呢段情。由青澀女生蛻變成掌握自己人生，都是女生應該學習的戀愛態度。

Photo from from Weibo

＃3 為自己的事業打拼

被封為偶像劇女王，陳喬恩的確係用自己能力一手捧紅自己。2005年《王子變青蛙》打破台灣偶像劇收視紀錄，2008年《命中注定我愛你》刷新紀錄。其後到內地發展，演出嘅《勝女的代價》、《放棄我，抓緊我》等電視劇都得到關注，演技實力備受肯定。之所以一直咁受歡迎，可以話陳喬恩係一個有台風、有靈氣的演員。

Photo from from Sina

＃4 凍齡美貌羨煞旁人

陳妍希與陳曉婚禮上，陳喬恩被喻為「最具殺傷力的伴娘」，有唔少網友甚至認為佢比鍾欣潼（阿嬌）更靚。事實上，陳喬恩天生麗質，一雙桃花電眼、精緻五官、同雪白肌膚令佢突圍而出。出道多年唔單止無走樣，而且仲透過運動、飲食，維持姣好身材，令佢39歲仍然有驕人身材同面孔。又再證明一次「世上沒有醜女人，只有懶女人」～