![唯獨你是不可取替!鄭秀文許志安情牽27年,愛情離合曾有缺陷,終究發現彼此就是最好的養分~](https://image.topbeautyhk.com/wp-content/uploads/2018/12/%E5%94%AF%E7%8D%A8%E4%BD%A0%E6%98%AF%E4%B8%8D%E5%8F%AF%E5%8F%96%E6%9B%BF.jpg?auto=format&w=718)
唯獨你是不可取替!鄭秀文許志安情牽27年,愛情離合曾有缺陷,終究發現彼此就是最好的養分~
娛樂圈造就唔少愛侶,都拆散唔少小戀人。有一對戀人由熱戀、分手到復合、最終都可以過住童話式甜蜜嘅生活,認定彼此,佢哋就係鄭秀文 (Sammi) 同許志安。情牽27年,儘管漫長且歷經好多難關,但始終「唯獨你是不可取替」。就連二人好友黃子華都講過,鄭秀文、許志安嘅愛情故事就好似「香港最後一個童話」,眼見近年娛樂圈有太多童話故事破滅,這一對確是難得~
Photo from from Sina
結婚將近第5年,Sammi曾經提到「佢(許志安)變成熟了。」又謂一直以來都係許志安照顧屬於兩個人的家,「佢喺我身邊唔需要刻意做什麼,一個眼神,傾訴一下,可以畀我抒發感受已經足夠。」而許志安喺公開分享家庭生活時,就講到自己變化:「以前真係無咁細心,會以自己為第一。」
Photo from from Sina
除咗心態上有改變,安仔生活上都有好大改變~受到健身狂愛妻嘅影響,許志安都開始做運動嘅習慣,年過半百嘅安仔笑言:「唔係做運動就可以變回30歲,但我做運動後知道自己原來50歲都可以咁fit,所以唔可以偷懶。以前做運動因為要表演,做完表演後就不會繼續,現在變成一種習慣。」有人話,愛對了人,就會造就一個更美好嘅自己,因為對的人會不離不棄指引你走一條更好的路。
Photo from andyhuichion @ ig
將近30年嘅愛情,一路走來並唔係一帆風順~1989年,鄭秀文仕行無幾耐,就認識咗許志安,戀情由呢個時候慢慢萌芽~1991年,二人合作,大唱情歌《其實你心裡有沒有我》,無幾耐就傳出二人拍拖消息。
Photo from from Sina
拍拖將近10年,即使Sammi陸續有跟古天樂、謝霆鋒傳出緋聞,但主人翁就表示感情穩定。有一次Sammi於演唱會中愛生停電意外,驚慌嘅Sammi情急下大嗌「安仔,救命」,台下許志安二話不說就向舞台方向飛奔過去,「10年之癢」傳言不攻自破。
Photo from from Sina
2001年香港「十大勁歌金曲頒獎典禮」上,Sammi同安仔齊齊拎到最佳男、女歌手獎,安仔喺台上發表得獎感受時,十分感觸:「有一個人我要多謝,幾年前和她在廚房裡,我同她講:『有一日你拿最受歡迎女歌星,我拿男歌手獎就好囉!』她跟我講要用心去做,只要相信自己就行了,想不到今日……多……謝你!」台下嘅Sammi,早已哭成淚人兒。二人共渡10個年頭,見證大家成成功一刻嘅喜悅,大概只有歷盡甜酸苦辣嘅佢地先會明白。
Photo from from Sina
但世事並不如意,安仔同Sammi 2004年分手,先後跟助理、模特兒余德琳愛展過,全因三個字—「新鮮感」。但旁人眼光就好雪亮,好多人都覺得安仔同Sammi先係一對,跟許志安發展過地下情嘅助理當時仲直言,「我好似佢(安仔)嘅管家,余德琳只係一時新鮮,而鄭秀文先係佢一生最愛。」分開呢段日子,Sammi更患上抑鬱症,安仔最終都跟余德琳分開。
Photo from sammi_chengsauman @ ig
面對外界對復台一事呼聲甚高嘅Sammi就感慨話:「有些關係,我實在驚動不起,也不敢驚動。」曾經最熟悉嘅枕邊人,曾經因為「新鮮感」放棄10年情,再愛、再堅強也好,也必定會問自己:應該再信任他嗎?
Photo from sammi_chengsauman @ ig
分開4年,安仔以嘉賓身份出現喺Sammi演唱會上,面對舊愛,Sammi有如初戀小情人一樣,流露出少女神情,雖然二人同台有點尷尬,但就令人格令感動,二人合唱「其實你心裡有沒有我」,將整晚氣氛推至高潮。
Photo from from Sina
Photo from from Sina
往後嘅劇情,就無驚濤駭浪,但就多了一份值得珍惜嘅溫馨。大團員故事結局並唔罕見,最難得的是雙方包融感情之間出現嘅缺陷,有勇氣承諾會陪伴對方送過下半生。當時,抱得美人歸嘅許志安興奮得向好友公告:「決定攜手共度餘生!」
Photo from from Sina
情牽將近30年,佢哋嘅故事,印證一句說話:「係你嘅,始終都係你嘅!」每一段婚姻長跑嘅愛侶,都有屬於自己嘅故事,而當中不一定是「由頭好到落尾」。鄭秀文同許志安呢一對,幾經波折,終究發現彼此就最好嘅養分,為「有缺陷」嘅感情,以浪漫結局作結,何嘗唔係最難得、最美嘅愛情~
Text:GirlsLike Editorial
Photo source:Instagram,Sina, Weibo