陳煒曾為婚姻放棄事業!回復單身後事業更精采,成《萬千星輝》視后大熱~

陳煒曾為婚姻放棄事業!回復單身後事業更精采,成《萬千星輝》視后大熱~

Hot Topics
By Aisa on 13 Dec 2018

陳煒憑住TVB劇《宮心計2深宮計》所飾演嘅太平公主一角喺《萬千星輝頒獎典禮2018》獲提名「最佳女主角」同埋「最受歡迎電視女角色」。喺《宮心計2》入面佢雖然係扮演反派,但深受觀眾喜愛,大家都認為今次視后之位,會係佢、《三個女人一個「因」》嘅黃智雯同埋《BB來了》嘅李佳芯之爭。唔好睇陳煒宜家事業咁成功,其實佢以前曾經為咗愛情而放棄演藝事業,但係婚姻最後都係敵不過考驗,回復單身後嘅佢事業反而更精彩~

Photo from alicechanwai@Instagram

45歲嘅陳煒,當年係亞洲小姐冠軍,1996年加入亞視,並且被力捧為當家花旦~2008年,佢同台灣商人顏志行結婚,並離開香港跟隨丈夫去到當地生活,因此而放棄演藝事業,闊別娛樂圈足足4年,一直到2012年離婚之後先回到香港轉投TVB復出。

Photo from alicechanwai@Instagram

陳煒曾經坦白過自己其實一直都好熱愛演藝工作,從來無諗過放棄夢想,只係當年婚後要跟隨前夫到異地生活,逼於無奈之下只好告別演藝圈~不過佢講過婚後嘅生活只係圍繞住丈夫,令佢覺得失去自己。

Photo from alicechanwai@Instagram

可惜婚姻最後都係敵不過考驗,佢表示婚後生活淡如水,佢每日都只係喺屋企到打理家頭細務,過住好似家傭一樣嘅生活,而且老公終日忙於工作,兩人性生活不協調:「當日隨丈夫去台灣已是放棄所有了。分開的主要原因,可能是因性格,或許我真的很悶,而丈夫是百份百的工作狂,將我的位置放得較低。」種種分歧導致關係最終破裂。

Photo from alicechanwai@Instagram

廣告
廣告

佢回港復出後,曾經一度隱瞞離婚一事,2016年主持《煒哥的味道》嘅時候,仲邀請前夫顏志行嚟擔任嘉賓,並喺節目上稱對方係丈夫,直至2017年佢先坦承離婚。

Photo from alicechanwai@Instagram

離婚後,佢走番本來想行嘅路,做番自己想做嘅事,事業反而變得更精彩。本來係亞視一姐嘅佢,復出初期喺TVB要由配角做起,甚至多次被派演反派角色,不過陳煒能屈能伸,從來未介意放下身段,一直盡力做好本份,亦因為保養得宜加上演技唔差,漸漸得到觀眾嘅欣賞~

Photo from alicechanwai@Instagram

2016年,佢喺《火線下的江湖大佬》入面冧姐,升級為第二女主角~而今年,更喺《果欄中的江湖大嫂》入面成為女一。TVB 重頭劇《宮心計2深宮計》雖然口碑好壞參半,不過觀眾對於陳煒喺入面飾演嘅太平公主一致讚好。即刻離婚失意,但回復單身貴族嘅佢,並無因此而一蹶不振,反而事業愈戰愈勇,堅強程度令人佩服~

Photo from alicechanwai@Instagram

Text:GirlsLike Editorial

Photo Source:Instagram

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK