林淑敏終於憑大小姐捧走最佳女配角！曾經歷難關，默默努力終於獲得肯定～
「大小姐」林淑敏琴晚喺《萬千星輝頒獎典禮2018》憑住處境劇《愛·回家之開心速遞》第二次提名「最佳女配角」，而今年終於吐氣揚眉得獎啦～仲記得去年落敗，好多網民都戥佢唔抵，不過林淑敏一啲都唔介意，繼續默默努力，一直嘅堅持令佢今日終於成功～其實林淑敏一生都遇過唔少難關，曾經喺2010年確診患上癌症，好在生命中有一個愛佢嘅人陪伴佢不離不棄，今日嘅幸福完全係靠佢地兩人共同努力～
Photo from TVB
林淑敏《愛回家之開心速遞》飾演嘅角色大小姐龍力蓮，劇中佢同花心富家子分手之後，暗戀下屬送水輝，為咗見佢幾面，仲不惜作故仔，購買對方提供嘅「初戀套餐」。不過現實生活中，林淑敏唔卻擁有一段最真摯嘅愛情，佢嘅經歷一直簡單而平穩，但直到2010年確診患上癌症，生命產生巨大轉變，可幸生活中有一個願意同甘共苦嘅人。
Photo from sukman_lam@Instagram
2000年，林淑敏舉家移居美國，之後自己一個番香港參加港姐競選，同一年同男朋友陳中原相愛並展開一段愛情長跑。
Photo from sukman_lam@Instagram
陳中原比林淑敏大3歲，思想比較成熟，心入面雖然一直認定女朋友係結婚對象，已過30歲嘅林淑敏，為咗賺更多錢，日頭做文職，晚上拍劇，連休息嘅時間都唔夠，最後因為太忙，令健康開始出現問題。
Photo from sukman_lam@Instagram
一開始出現嘅係甲狀腺毛病，林淑敏每日朝早一瞓醒就會摸下對眼，如果無凸出，佢就會繼續外出工作。但2010年，不幸患上乳癌，當時佢所演出嘅角色戲份唔多，仲喺到靜靜等待緊發揮機會，卻要面對如此突如其來嘅打擊。
Photo from sukman_lam@Instagram
林淑敏從商嘅男友陳中原，係一個性情平穩嘅男人，當但得悉女友確診患癌嘅消息，都忍唔住眼眶泛淚，林淑敏面對患癌，為咗男友嘅未來着想，終是忍痛提出分手！
Photo from sukman_lam@Instagram
但陳中原並唔認為呢次患病會將佢地分開，當時最在意嘅反而係女友治療期間嘅狀況。當佢眼見林淑敏除咗甩頭髮之外，都仲可以食得好瞓得好，仲肥咗靚咗，佢就覺得比較安心。
Photo from sukman_lam@Instagram
等到療程結束，某百陳中原問林淑敏:「你覺得應該什麼時候結婚？」現代社會中，可以共苦嘅情侶有幾多對？陳中原一直都好重視林淑敏嘅想法，會將自己嘅感受放喺後面。即使女友患病，依然不離不棄，一早已經認定要同呢個女人一生一世，即使見到佢甩哂頭髮，大病後生育能力未及以前，都依然從不嫌棄。
Photo from sukman_lam@Instagram
林淑敏曾經話過，男友對佢嘅支持盲目到，即使好明顯知道佢係做錯，但都仍然會尊重。就喺6年前，佢地終於結束咗十幾年嘅愛情長跑，步入教堂。林淑敏眼中，丈夫固然非常好，而要陳中原為太太評分，佢話太太有200分。所謂患難見真情，一對經歷如此生命巨變嘅戀人，最終開花結果，實在難得，令人羨慕。經得起考驗嘅愛情先係真正嘅愛情，希望大家都可以搵到屬於自己嘅幸福！
Photo from sukman_lam@Instagram
Text: Girlslike Editorial
Photo Source: Instagram
