【2018萬千星輝最靚造型】女星們各有各色！陳煒性感藍色晚裝超搶鏡，田蕊妮開衩長裙大曬長腿～！

昨晚「2018萬千星輝頒獎典禮」視帝視后等獎項都塵埃落定，除了各個大獎爭崩頭外，一眾女星的造型亦一如以往超搶鏡！一齊嚟睇吓今年紅地氈造型邊個最靚啦！

陳煒

要數最搶鏡一定係煒哥！一身深藍色晚裝加上大膽中空設計，令煒哥嘅好身材表露無遺，薄紗下擺嘅長腿若題若現，令人噴血同時又失高貴氣質，能做到嘅大概只有煒哥一人～！

李佳芯

Ali呢條拼色晚裝來自西班牙奢華時裝品牌Delpozo，顏色鮮豔設計又優雅，加上較復古風嘅珍珠頸鍊同粉嫩妝容，整體令人望得好順眼！

田蕊妮

阿田以一身貴氣Lanvin黃色晚裝霸氣登場，成條裙線條好流暢，仲特地做左大開衩設計，突顯阿田嘅長腿～加上設計誇張嘅bling bling耳環，令人眼前一亮！

唐詩詠

詩詠身穿白色刺繡拖尾晚裝，裙上嘅花花刺繡好有藝術感，黑色一字膊設計同黑色絲帶頸鍊令人聚焦於佢靚靚嘅鎖骨線條，加上浪漫微捲髮俾人感覺好優雅～！

林淑敏

大小姐以一身紅色晚裝登場，裙側邊做左短位大秀長腿，配上簡約bling bling長耳環，霸氣又靚啊！

黃智雯

Mandy以全黑色Toni Maticevski晚裝出場，剪裁一流獨特，令Mandy望落簡約又雍容華貴～！

楊秀惠

楊秀惠以清爽短髮示人，加上銀色貼身魚尾拖地晚裝，背部做大露背設計，好身材一覽無遺！

Text：GirlsLike Editorial

Photo source：Instagram