朝早十點返工最好！研究：早上10點才是大腦的最佳運作時間，工作效率會大大改善～！

打工仔每日都要早起身返工，住喺偏遠地區嘅人仲要天未光就起身準備返工，放工又收得晏，搞到大部分打工仔都睡眠不足！好多國家嘅返工時間都係朝早9點，但有英國研究就發現朝早10點先至係「最佳返工時間」！

英國《每日電訊報》引述一項由牛津大學進行嘅研究，發現正常朝9晚5嘅上班時間會對工作表現同心理健康造成影響，而最佳的上班時間是早上10點，呢個時間先係最適合人類嘅生理時鐘！

研究人員Paul Kelley博士指出，朝早10點先係大腦的最佳運作時間，10點後才開始工作不但有益身體，更能提升專注同生產力。

Paul Kelley以自己作為社區學校的校長為例，指出當老師和學生喺早上10點才開始教學，教職員的工作能力和學生的吸收力都有明顯的改善，而且10點先開始上堂嘅學生比10點前已上堂嘅學生，成績更佳。

同樣地，公司強逼員工提早上班會減低佢地嘅工作生產力，以及會累積對身體嘅損害，令健康問題出現～

研究同時指出，現時成年人每日的平均睡眠時間只有6.5小時，相比起8小時標準睡眠時間短1.5小時，所以好多人都出現睡眠被剝奪的情況。

但如果返工時間延遲至早上10點，睡眠剝奪的情況則可大幅減少70%，每日精神不集中的狀況也會隨之減少36分鐘，長遠嚟講對員工健康同生產力都有益處！

Text：GirlsLike Editorial

Source：Telegraph UK

Photo source：Pinterest, Instagram