女兒就是爸爸上世情人～已為人父陳柏宇化身感性爸爸，一聽見愛女哭自己也莫明奇妙哭出眼淚，超動容～

By Michelle on 19 Dec 2018

Digital Editor

陳柏宇（Jason）升呢做咗爸爸後，成日都喺個人社交平台大曬安愛女生活照，似乎愛上咗「新手爸爸」呢個身份～早前仲畀老婆大爆佢嘅感性湊女搞笑事，事關Jason本身為人感性，做人老豆之後，「感性基因」似乎變得更一發不可收拾！Jason宜家聽到囡囡Abigail喊得可憐，堂堂男人都會同埋個女一齊喊，太太符曉薇（Leanne）笑問「我心諗究竟我應該氹邊個先呢？」

Photo from ckw720 @ ig

Leanne喺ig上，公開感性Jason搞笑事—「今晚遇到一個問題，我個女今晚有史以來喊得最慘一次，連岩岩沖完涼嘅我衫都唔著衝出去，點知我見到嘅畫面係我老公抱住佢喊埋一份」細心留意，Jason真係喊到耳仔都紅埋，囡囡就一幅激動躁底樣，心情似乎仍然未能平伏，相信Jason真係愛女心切，覺得心如刀割先忍唔住喊埋一份～

Photo from leannefu_1027 ＠ ig

太太仲投訴，Jason愛女愛到忍唔到口，「連媽咪我都忍口唔敢錫你個咀仔，怕有細菌，點知呢個男人光天化日，就係咁錫你嘅咀仔，仲成日同我講唔可以阻止佢」，笑Jason只顧滿足自己慾望，眼見Jason咁肉緊囡囡，難怪就係話女兒是爸爸上世嘅情人！

Photo from leannefu_1027 ＠ ig

有次，兩公婆帶囡囡去影證件相，Leanne放出Jason抱女影相嘅合照，相中爸爸坐凳仔抱住囡囡，托住囡囡個頭仔影相，自己就定格微笑對著鏡頭，Leanne無奈留言：「究竟係Abi影相定你影，你笑得咁開心又望著鏡頭做乜？」對爸爸嚟講，有女萬事足，緊係開心笑啦～

Photo from abigail92518 ＠ it

回顧生產當日，Leanne表示聽到囡囡一出世，有喊聲嘅時候，滴咗幾滴眼淚，但望到Jason，原來老公一早喊到豬頭一樣，大概由?刻開始，Jason體內嘅感性細胞陸續曼延......

Photo from ckw720 @ ig

感性老豆仲有一件搞笑事，Leanne大爆有次囡囡要打針，做父母嘅見到仔女痛，難免都會有啲心噏。但無諗到老公感性基因大發作，竟然喊出嚟！「今日第一次見個女打針，個女打針喊好正常，點知我望去我老公度，佢又喺度喊，我問佢我陀b時抽左咁多次血，又唔見你喊」

Photo from leannefu_1027 ＠ ig

其實Jason係「喊包」都唔係咩新鮮事，講到底，都係對住最愛嘅人，就會自然地流露出感情真摯嘅一面。有一次Jason送太太番屋企，當時突然同太太講要閉上雙眼，裝作失明，由Leanne牽住佢走，番到屋企樓下，佢突然眼濕濕，心入面諗：「突然覺得，要閉上雙眼任由她牽著走，原來要對她有無比的信任。而一路走時，也開始想假如我真的失明，以後不能見到她，我會很慘。」