陸永為了讓老婆過得更輕鬆，學影相、考車牌！工作重要但家庭更重要，決心成為更好的自己～

農夫陸永雖然成日喺鏡頭面前無嚟正經，但佢其實係個好顧家嘅男人，而且仲係出咗名嘅愛妻號。佢已經同太太Reina結婚7年，唔單止無七年之癢，依然咁甜蜜，陸永間唔中仲會做啲窩心嘅事氹下老婆開心～

Photo from 6wing_fama@Instagram

為老婆學影相、考車牌

Reina生日當日，錫老婆嘅陸永當然有送禮物俾Reina，Reina喺IG Post咗張相，入面就係相機同埋《道路使用者守則》：「從來未收過咁sweet 嘅生日禮物！『老婆，你講得啱，我係應該幫你同兩個女影多啲見得人嘅相，所以我買咗部相機報埋個攝影班！』『日日見你咁頻撲，好攰好眼瞓，想幫輕下你又無能為力，所以鼓起勇氣去學揸車！』好貼心嘅生日禮物，多謝陸生！」

Photo from missussix@Instagram

一個男人時刻將你講嘅說話擺喺心入面、將你同家庭放喺第一位，為嘅就係想你可以過得輕鬆、舒服，願意克服心理障礙去學車，比起任何物質都更加令人窩心，更加珍貴～

Photo from missussix@Instagram

 記得結婚紀念日

Reina做咗媽媽之後，有時因為返工或者照顧小朋友，忙到連同陸永嘅結婚週年都唔記得咗，不過好彩陸永仲記得！

Photo from 6wing_fama@Instagram

陸永喺IG到Post佢影低老婆攰到瞓喺床上嘅相：「今朝一早佢車個女返學，跟住接放學，再車第二個女返學，再接放學，再車返屋企煮晚飯俾佢地食......我收工返黎，佢已經攰到訓死咗了，辛苦你了。結婚七週年快樂，我愛你」

Photo from 6wing_fama@Instagram

工作再忙都 屋企人最重要

陸永雖然忙於工作，但一放假都會陪老婆湊女，幫Reina分擔一下～又會帶埋成家人一齊去旅行，工作重要但絕對唔會為工作而犧牲親子時間！

Photo from 6wing_fama@Instagram

父親節嘅時候，Reina都Post相大讚陸永係好爸爸、好老公：「一個好樂意餵奶掃風換片嘅爸爸、一個喺出面做嘢辛苦返到屋企仲會犧牲休息時間陪兩個女玩嘅爸爸、一個除咗做嘢會將所有時間奉獻畀屋企嘅爸爸、做你女兒係一件好幸福嘅事」，就知道呢個家庭有幾咁幸福！

Photo from missussix@Instagram

Text：Girlslike Editorial

Photo Source：Instagram