30歲未有對象又如何？這些40歲後才結婚的女星，都能遇到最適合自己的人～

By Aisa on 19 Dec 2018

一個追逐夢想的女生，深信未來是屬於相信心中美夢的人。

最近就有39歲嘅周勵淇宣布覓得真命天子，女人一向都對年齡好敏感，有唔少人一過咗30就要急住搵對象結婚，不過其實年齡同時間都唔係問題，緣份嘅野順其自然，晚婚有晚婚嘅好，好多時候遲結婚嘅女性仲幸福過早婚呢～以下就有幾位40歲後結婚嘅女星，話比大家知其實晚婚都可以過得好幸福～

# 01 莫文蔚 - 41歲嫁給初戀情人

有唔少人都好羨慕莫文蔚嘅愛情故事，17歲嘅時候佢同丈夫喺意大利嘅世界聯合書院認識，兩個人都係對方初戀，雖然當時感情無開花結果，不過經過一段漫長日子之後，二人重逢，又燃起愛火，緣份將佢地再次拉埋一齊。

Photo from 莫文蔚@Weibo

同年佢同老公Johannes喺倫敦舉行咗一場盛大嘅Party。英國時間9月9日晚上，二人喺倫敦舉辦派對慶祝兩人相識30週年，同時邀請過百賓客見證佢地甜蜜嘅愛戀，好似愛情片一樣嘅浪漫情節成為一時佳話～

Photo from 莫文蔚@Weibo

# 02 鄭秀文 - 41歲嫁舊愛

今年46歲嘅鄭秀文，2013年同許志安結婚，當時佢41歲。佢地二人係喺新秀比賽一見定情，到後來就以情侶姿態合唱《其實你心裡有沒有我》。

Photo from sammi_chengsauman@Instagram

兩人分分合合24年，許志安都曾經另有新歡，不過後來二人又戲劇性地公開復合。鄭秀文曾經喺二人復合嘅聲明入面提到：「我並非要成就什麼驚天動地的愛情，我只想踏實地經營一段平凡人的情感，我坦承跟安仔重新開始。結果如何？我不能預計。」未來雖然無法預期，但只要雙方都有心就可以，二人最終於2013年修成正果，至今都仍然非常甜蜜～