發哥14億身家全捐出設慈善基金！親民影帝周潤發低調樸素，嚮往平淡是福的生活～

發哥周潤發入行超過40年，估計擁有14億身家，但佢平時嘅生活卻一啲都唔奢華，發哥出門嘅時候身上唔會用名牌，打扮低調又樸素，而且亦唔會揸名車、遊艇，反而會去同街方迫巴士、地鐵，仲會抽時間去行山，真正嘅「平淡是福」～

Photo from 周潤發@Weibo

有傳發哥家產高達14億，上個月發嫂陳薈蓮喺一個訪談節透露夫婦打算將全數家產捐出，用嚟幫助有需要嘅人：「我們把這筆錢百分百捐了出去，設立好慈善基金會，手續也辦妥了」發哥早已睇淡財富，佢嚮往嘅反而係平凡嘅生活。

Photo from 周潤發@Weibo

發哥話過：「人生中真正難的不是賺多少錢，而是如何保持住一顆安寧的心，過著平凡而快樂的生活。」

Photo from 周潤發@Weibo

發哥平日好節儉，發嫂話佢換智能電話之前，係用第一代Nokia手機，足足用咗17年。後來因為舊手機壞咗，先換發嫂用舊咗嘅智能手機，不過發哥其實唔鐘意用電話，因為佢覺得人比起接受資訊，更應該學會傾聽別人內心嘅聲音。

Photo from 周潤發@Weibo

發哥每個月嘅消費只有800蚊，買野從來唔會去高級商場買，發嫂話佢會買98蚊一件嘅T恤，15蚊一對嘅拖鞋，仲會同老闆討價還價～發哥曾經說過：「我覺得衣服這些東西，不是穿給別人看的，只要自己覺得舒服就行了，所以我不會買很貴的衣服」。

Photo from 周潤發@Weibo

作為一個大明星，除咗待人有禮，仲愛老婆同關心社會，有善心、又勤力、又無架子，話發哥係絕種好男人，相信無人會質疑！

Photo from 周潤發@Weibo

Text：Girlslike Editorial

Photo Source：Weibo