紀念演唱會前不幸去世的患癌歌迷！張學友演唱會第8排26座永不出售，追悼天堂上的她～

By Aisa on 20 Dec 2018

天王張學友為期兩年嘅世界巡邏演唱會「A CLASSIC TOUR學友‧經典」，下月將會於香港舉行最後一場，畫上圓滿句號。學友演唱會嘅門票搶崩頭係理所當然，不過喺每場都爆滿嘅同時，原來有一個座位係永遠都唔會出售，傳聞背後有著一個非常感動人嘅故事。

Photo from Weibo

學友每場演唱會都座無虛席，不過有指佢每場都會預留「第8行26號」嘅位置，原因係一位患癌症嘅歌迷。

Photo from Weibo

多年前學友舉行演唱會，有一位女Fans不幸患上重病，而佢嘅心願就係喺有生之年去學友嘅演唱會到欣賞佢嘅歌聲，無奈演唱會舉行之前，佢因為捱唔住而離開人世。

Photo from Weibo

呢位患上不治之症嘅女Fans，喺離世前幾個鐘買下第8排第26座嘅位置，可惜佢最後都無法親臨現場，永遠都等唔到學友演唱第一首歌，令人非常惋惜。

Photo from Weibo

後來，呢件事因被傳媒廣泛報導，而傳到學友耳中。為咗支持深愛嘅歌手而拼到生命最後一刻，真係令聽到嘅人都覺得好感動。學友係一位愛惜自己Fans嘅偶像，有傳佢為咗要永遠紀念呢位用生命去愛佢嘅Fans，就宣佈自己以後每一場演唱會，都會留起「第8排第26座」座位，不作出售。藉此方式追悼已經上天堂嘅呢位Fans，永遠喺自己演唱會中留一個位置比佢，只要佢想嚟聽歌，都永遠歡迎。而傳聞是真是假？學友並無回應過。