香香大肚身材依然fit爆！岑麗香曬靚靚靚大肚泳衣照，懷孕5個月零孕味，纖腰美背仍然無走樣～！

岑麗香早前驚喜宣佈懷孕4個月，離巢後香香專心做少奶奶兼養好身子陀B！現正懷孕5個月的香香最近同老公強強去咗夏威夷渡假，更喺IG貼出超火辣嘅泳衣相，即使只有背面仍睇得出香香身材依然好fit，羨慕死人啦！

香香自從離巢後被人發現身材比以前圓潤飽滿，因此好多人都猜測佢大肚，上月出席活動時由於腹部微微隆起，被記者問及係咪懷孕，當時香香就回應：「適當的時候會跟大家說」～

結果隔了不久，香香就喺IG到貼出同老公強強甜蜜合照，佢地兩個一人一邊手執BB衫手袖，寫下：「B-a-b-y coming 2019｣，宣佈懷孕喜訊！

日前懷有5個月BB嘅香香跟強強飛到夏威夷渡假，雖然懷有身孕，但佢一樣換上比堅尼，大show白滑玉背和長腿，從佢背影睇得出身形依然好纖瘦，完全零孕味！

隨後又貼出大頭自拍，可見香香仍然臉尖尖、皮膚白白滑滑，一副甜美嘅笑容好殺食，粉絲們都紛紛留言大讚香香好靚女！

11月尾時香香大住肚過生日，成個人望落容光煥發，相信強強一定有為愛妻好好慶祝呢個咁特別嘅生日！

早前香香指自己可能因為懷孕而令情緒不穩定，平日連睇運動廣告都感動得流淚，呢次強強帶香香去夏威夷度假，應該就係讓呢位準媽媽散散心！

強強係個超級寵妻號，佢本來於溫哥華從事高薪金融工作，為遷就老婆香香的演藝事業，決定來港定居。同時強強喺老婆工作時常到片場探班、接上下班，仲會成日煲湯俾她飲～

得到老公咁疼錫香香將來個BB一定肥肥白白，好期待小香香出世啊～～！

Text：GirlsLike Editorial

Photo source：Instagram