學會欣賞自己成為better me～5個男生眼中「好女生」的特質，單身貴族還是已有伴侶都應該學習！

男人心儀嘅戀愛對象，可能係樣靚身材正～但講到令佢有衝動希望同你過人世嘅對象，千古以來，10個有9個男人都係話希望可以娶到個「性格好」嘅女生～無論你係仙女下凡定係普通鄰家女生，只要做好以下5點，定必可以成為一個「性格好」嘅better me～

Photo from wongtsuiyu @ ig

#1 豁達大方

同心儀對象第一次見面，未算太熟嘅時候，唔會表現出「貪小便宜」，凡事唔會斤斤計較嘅女生，唔令對方有太大壓逼感，一定會令男生好感度大增～

Photo from wongtsuiyu @ ig

#2 守時

好多女生都習慣約會遲到，其實女生因為打扮，約會間唔中遲到，相信男生都會理解～但總有一啲女生自覺「遲到完全無問題」，仲覺得係理所當然，高高在上嘅感覺實在會令人好難受呢～

Photo from wongmanyik @ ig

＃3 獨立

女生天生性格柔弱，有些時刻，確實需要男生幫忙一下～但性格獨立嘅女生，絕對會令男人加分！因為獨立會令人散發一種自信嘅魅力，成為你部份內在美～切忌有事無事都搵男生幫手，培養一啲個人興趣同技能，適當時展現自己嘅能力，必定可以令你從眾多女生中脫穎而出～

Photo from misselvani @ ig

#4  懂得跟男生保持距離，不亂搞曖昧關係

當有男生主動接近你嘅時候，作為女生必定有與生俱來嘅第六感，睇到對方意思。如果自己都唔係有好感，就要識得保持距離，唔好利用對方對自己嘅好感，跟人玩曖昧攞著數，理所當然地利用佢。

Photo from vivien_yeosiewhui ＠ ig

＃5 心胸廣闊

好多人都覺得女人係無時無刻都要被愛，但其實唔少男人都一樣有軟弱嘅時刻，需要得到愛人嘅認同同支持。有邊個男人唔想做女朋友心目中嘅英雄呢～所以，女生要寬容一啲，多啲讚賞他吧～

Text：GirlsLike Editorial

Photo Source：Instagram