結婚8週年甜曬當年裙褂照！丁子高多年來愛錫老婆，8年前的楊千嬅就像昨日一樣～！

楊千嬅同丁子高最近迎來結婚8週年紀念，千嬅喺Instagram上貼出當年結婚嘅一張裙褂照，相中丁子高背住佢，兩人都笑得好開心，嗰種幸福感真係隔住個屏幕都feel到啊！！

丁子高出名寵妻，同千嬅結婚多年仍然恩愛如初，有人話婚後想知丈夫對妻子好唔好，睇妻子個樣就一清二楚，因為一個有老公錫嘅女人必定春風滿面、越來越靚，見到千嬅8年如一日就知老公有幾寵愛佢！

楊千嬅大丁子高5歲，2007年拍拖時楊千嬅已經攣上事業高峰，成為樂壇天后身家過億，而從事公關嘅丁子高則只係一個打工仔，加上丁子高俾人印象係花花公子，呢段「姐弟戀」一開始就不被人看好。

然而楊千嬋卻毫不介意外界質疑，終於兩人2009年喺美國秘密註冊結婚，之後再喺香港補辦豪華婚禮，姐弟戀修成正果。

結婚後丁子高不時高調曬恩愛，大讚千嬅出得廳堂入得廚房，佢曾抱住老婆同佢講：「我冇娶錯人。」

2012年囝囝Torres出世，楊千嬅同時兼顧家庭同事業，在外努力唱好歌，返到屋企就秒變賢妻良母，不時親自下廚煮飯，更特地去上堂學煮丁子高鍾意食嘅咖喱雞，令丁子高都大讚佢做老婆係滿分。

丁子高：「任何事她都會站在我立場想，很愛護我和家人。大家別看她平時很事業型，她做了丁太之後，真的做好老婆本分。

不過千嬅忙於事業家庭兩邊跑時，丁子高都會好好愛錫老婆，甚至會對老婆碎碎念：「我會提醒她不要喝凍飲、不要太夜返，她玩得太夜的話，我會出去看顧她，如果見她喝凍飲，我會叫她飲一口暖水，因為她氣管不好。」呢啲充滿愛意嘅嘮叨佢自認係缺點，但喺旁人眼中情意濃濃，畢竟一個男人愛你先會願意花時間喺你身上。

而令丁子高定落嚟嘅其中一個原因，就係楊千嬅主動提出同奶奶同住：「我們交往了兩年的時候，有一天她跟我說，你媽媽將來介不介意和我們一齊住？我聽到好開心，其實我媽媽第一眼見她，已經很喜歡她，覺得是我所有女朋友當中最好的，常跟我說『係佢喇』。」

不過兩個人都會有吵架嘅時候，丁子高鍾意整齊整潔，屋企物品一定要放好，而楊千嬅則比較隨意，覺得東西隨便放都唔緊要，兩人有時會因此去衝突：「千嬅很隨意，覺得東西放哪裡都沒所謂，有時見好把衣服亂放，我會提她收拾好，佢卻會回說『我唔理啦』，但我又忍不住，惟有幫她放好。」兩人吵架後，唔夠一陣又會和好。

努力令楊千嬅過幸福生活，丁子高亦有一門心思：「娶一個美女，只是一個男人的本能，讓妻子變得美麗自信，這才是一個男人的本事。」楊千嬅之所以咁容光煥發，全因有老公嘅愛同包容！

Text：GirlsLike Editorial

Photo source：Weibo, IG, Facebook