李亞男宣布誕下女兒！不公開樣貌因祖藍話：個樣太似我～接下來期待香香和陳凱琳的BB！

Hot Topics

By Aisa on 24 Dec 2018

李亞男（Leanne）同埋王祖藍2015年結婚，今年就宣布懷孕，早排Leanne更為咗可以讓老公同自己一齊見證女兒誕生，而由順產改為剖腹生女，直到前日（22日）兩人終於公布好消息，同時喺社交平台上宣布誕下女兒！

Photo from therivergirl@Instagram

早前祖藍帶老婆去照超聲波拍四維照片嘅時候，見到囡囡似足自己，一樣係鼻大嘴唇厚，就唔係好似媽咪～雖然話大家都好期待BB會生得似媽媽咁靚，不過祖藍就強調無論B女似佢地邊一個都同樣會咁錫佢！

Photo from wong_cho_lam@Instagram

而李亞男預產期為12月底，咁啱撞正老公王祖藍喺12月尾到1月嘅《唯獨你是王》聖經音樂劇公演。原本已經計劃好要順產嘅李亞男，擔心老公會因為BB出世撞正演出，而錯過見證囡囡出世嘅一刻，最後決定改為剖腹產，仲擇好日子避開祖藍嘅演出時間。

Photo from therivergirl@Instagram

直到前日，兩人就於Instagram興奮宣布誕女，仲透露幫囡囡取名為「Gabrielle」。仲話B女係佢地兩公婆最好嘅聖誕禮物，不過Leanne似乎未想曝光愛女個靚樣，只係分享咗一張愛女捉住自己手指嘅相。而王祖藍都同時喺IG上公布好消息，仲笑言：「個樣太似我，所以唔俾你睇。」令大家都好好奇，到底係唔係真係如之前所講，生得好似祖藍呢！