五歲父親離世經歷人情冷暖！佘詩曼感恩人生中的試煉，最好的保養品就是「開心」～

Hot Topics

By Aisa on 24 Dec 2018

佘詩曼今年憑住《延禧攻略》中嫻妃一角紅遍兩岸三地，人氣高企。談到今日嘅成功，佢就認為要歸功於一路走來嘅風景。無論順或逆、喜或悲、高山低谷佢都心存感謝，因為呢一切成就咗今天嘅佢。

Photo from charmaine_sheh@Instagram

阿佘自認係一個好認真嘅人，演出嘅時候唔會比自己講錯一個字，之前有流出一段《延禧攻略》拍攝片段，當中見到阿佘係現場會以廣東話讀白，最後一句先轉番做普通話以方便對手接落去，原因係因為佢自覺自己普通話唔夠好，唔想因為語言而影響演出。

Photo from charmaine_sheh@Instagram

《延禧攻略》入面嫻妃一角令佢爆紅，唔少觀眾都大讚四十三歲嘅佢演活廿四歲嘅角色，無論係皮膚質素、神態定係氣質都散發住少女味。不過對此稱讚，阿佘得體地回應：「其實不過是演技。」

Photo from charmaine_sheh@Instagram

呢幾年間，阿佘為工作而不停穿州過省，相信大家都可以想像到係幾辛苦，但佢一啲怨言都無。而佢係公認嘅孝順女，無論去到咩地方工作，都會每日同媽媽聯絡，每次回港，佢都會同媽媽一齊生活，兩母女感情好，非常有默契，阿佘亦好感謝上天賜咗一個好媽媽比佢：「我和媽媽相伴多年，大家都非常了解對方，很多事情不用說出口已經心領神會。」

Photo from charmaine_sheh@Instagram

而且阿佘亦好錫媽媽：「辛苦事我從來不跟她說半句。現在是媽媽享福的時候，我不要她為我煩惱。我在外面工作四處跑，有時忙得自己身在哪個城市都不知道，這種勞累我不要她受。如果她喜歡，就跟朋友去旅遊去嘆世界。」又叻女又孝順，確實係難得～

Photo from charmaine_sheh@Instagram

媽媽係阿佘嘅榜樣，令阿佘學會獨立、堅強，因為佢媽媽好識照顧自己、照顧別人。其實，阿佘由五歲開始就已經歷到人情冷暖，佢五歲嘅時候，父親喺一場車禍中喪生。爸爸早逝，得番阿佘媽媽身兼父職，肩負起照顧阿佘哥哥、阿佘同遺腹子弟弟嘅重任。

Photo from charmaine_sheh@Instagram

當時阿佘仲好細個，似懂非懂，見到媽媽喊就會提出要陪媽媽瞓覺，兩母女會晚晚傾心事，直至宜家都係。兩人互相支持，走過呢段人生低谷，最後亦培養出心靈契合嘅感情。：「我有一個很特別的童年。我覺得每個人在地球都有自己的使命，有不同的試煉，我們在世就是要克服這一切。所以，我不會從不好的角度去看待爸爸早逝……爸爸離世後，最大的改變是不再有一家人一起的畫面。」「雖然媽媽一個人照顧我們三個，但在物質上和生活上都盡量維持在從前的水平。在我的記憶裏，她從沒有埋怨過，只是一直在努力，所以她是我心目中的英雄。」