緣聚走到緣散～楊冪劉愷威冬至宣布離婚，結婚5年終不能陪伴彼此到白頭。

楊冪同劉愷威上星期6 (22號 )宣布離婚，結束5年婚姻。其實二人嘅婚姻狀況一直受到關注，多次傳出婚姻關係出現裂痕嘅消息，今次二人選擇於冬至宣布離婚，有指係為咗女兒「小糯米」，唔想佢成為追訪對象。

Photo from from Sina

楊冪、劉愷威所屬經理人公司「嘉行傳媒」喺微博上發聲明，表示兩人今年已經簽署協議離婚，今後以親人身分共同撫養孩子，同時以朋友的身分真誠地祝賀彼此的未來。聲明強調是雙方彼此尊重溝通後做出的選擇。

其實過去5年，兩個人工作關係，一直都係各有各忙，加上兩公婆各自都有緋聞，係外界眼中一向都唔係「健康嘅一對」，婚姻屢傳亮起紅燈，但二人每次都例牌否認傳聞。

Photo from from Sina

離婚聲明發出前兩日，網上就流出劉愷威跟一個身材豐滿嘅女子合照，又再一次傳出離婚消息，楊冪就罕有透過工作室回應：「沒有，這種傳聞好無聊！」估唔到幾日後兩個人就正式宣佈婚姻玩完。

Photo from from Weibo

其實二人分開一早已經有迹可尋，過去幾年，每到老公劉愷威生日，楊冪都會喺凌晨時分留言，祝老公生日快樂，雖然工作關係未必有得一齊過，但太太仍然心牽老公～但今年10月劉愷威生日，楊冪就零表示，而楊冪9月生日，劉愷威都無公開送上生日祝福。

Photo from from Weibo

今年44歲嘅劉愷威，08年北上賺人仔，成為一線小生。2011年因拍劇《如意》跟楊冪戲假情真。2013年跟細過自己12年嘅楊冪求婚，當時仲講咗一句「戴上了就不許摘下來」，結婚當日，劉愷威宣誓時話「與你在身心跟靈魂上共同成長......」，更令楊冪數度感動落淚。

Photo from from Weibo

呢對中港夫婦婚後就似乎變得聚少離多，愛女「小糯米」留喺香港讀書，由爺爺劉丹照顧，每次傳媒問劉丹關於新抱楊冪嘅事，多數都係唔知情，可見即使結婚後，一家人關係都唔算太密切。

但肯定嘅係，兩人離婚消息公開後，丹爺以後都唔需要做發言人應付傳媒了。

Text：GirlsLike Editoial

Photo Source：Sina, Weibo