愛一個人不需等到節日！劉青雲結婚20年愛得自然，堅持每年親手寫聖誕卡給老婆～

眾所周知，劉青雲同埋郭藹明係圈中嘅模範夫妻，兩人已經結咗婚20年，但感情依然無變過，仲係咁恩愛仲愈來愈愛對方。到底有咩秘訣，可以令已經經歷多年嘅感情保持新鮮呢？

Photo from lauchingwan@Instagram

仲記得劉青雲當年第三次奪得金像獎影帝，喺台上嘅「太空船宣言」嗎？佢向妻子郭藹明深情告白話：「「多謝我太太，每次當我開着宇宙飛船，不知飛到哪裏去時，你總有辦法令我安全返回地球。」呢段超真摯嘅話令人相當感動！

Photo from lauchingwan@Instagram

本身擁有超高學歷嘅郭藹明係1991年香港小姐冠軍，入行之後就開始接拍電視劇，仲同劉青雲喺《大時代》入面相識相愛，結婚20年，婚後都經常被拍到十指緊扣外出約會，甜蜜程度就好似初初熱戀嘅情侶一樣：「太太是我人生最好的禮物，她很聰明，我喜歡甚麼不喜歡甚麼，不用說她都一清二楚！」

Photo from lauchingwan@Instagram

而為咗專心照顧家庭，有傳郭藹明更放棄前途一片光明嘅NASA工程師一職，甘願做丈夫背後嘅女人，見到太太無私付出，劉青雲都相當努力工作，為給予太太最好嘅生活，仲將財政大權都交到郭藹明手上！

Photo from lauchingwan@Instagram

而劉青雲同郭藹明保持恩愛嘅方法，並唔係咩好難做嘅事，只係平日從生活小細節中注入滿滿嘅愛。劉青雲每年都會親手寫聖誕卡比老婆，而且只寫上名字同埋「聖誕快樂」，無咩特別花巧嘅地方，但一個小舉動，卻非常甜蜜，成為兩夫婦咁多年來專屬嘅浪漫。

Photo from lauchingwan@Instagram

唔花巧唔造作，將心意寫入聖誕卡，將一張卡變成有價值嘅紀念品，就係劉青雲氹老婆嘅方法，而太太郭藹明都非常受落，簡簡單單卻好甜蜜。至於送禮物，劉青雲就話日常出街見到鐘意嘅野，都會買比老婆，唔洗等到大時大節先送，愛一個人唔需要等到節日~！

Photo from lauchingwan@Instagram

Text：GirlsLike Editorial

Photo Source：Instagram