張衛健錫老婆多過自己！送張茜5000尺豪宅「我有床有地方睡就夠了」～

近期熱播TVB劇《大帥哥》入面男主角張衛健，唔單止係一位好演員，現實生活中佢仲係一個對感情好認真嘅人，同太太張茜現今已經走過18個年頭，經歷多次離離合合，期間張茜兩度流產，佢仍然不離不棄一心愛錫呢個女人，近日仲送咗一間五千呎嘅豪宅比老婆，真係一名超級愛妻號！

Photo from 張茜@Weibo

張衛健同張茜因拍攝《歡喜游龍》結緣，交往6年後張茜想結婚，但張衛健自小喺缺乏父愛唔完整嘅家庭下長大，對組織家庭感到恐懼，需要時間考慮，但又因為怕會耽誤到人，所以後來忍痛提出分手。不過兜兜轉轉後，張衛健同張茜都係喺番埋一齊，證明咗人同人之間真係好講緣份～

Photo from 張茜@Weibo

後來張衛健因為投資失利而欠下巨債，張茜喺呢段期間一直陪伴張衛健渡過難關。兩人2007年正式註冊結婚後，張茜兩度不幸流產，但張衛健依然守護住太太：「她受的傷遠遠比我重，我告訴自己要盡快清醒離開陰霾，所以那時間把所有工作放下，每天陪在她身邊。」

Photo from 張茜@Weibo

雖然結婚多年張茜仍未為張衛健誕下一兒半女，不過張衛健毫不介意反而更加愛錫張茜，將佢捧在手心上～近日張衛健仲送咗一間五千呎嘅豪宅比老婆，因為知道老婆鐘意做運動，於是屋內仲設有健身室，非常貼心，名符其實係位愛妻號！

Photo from 張茜@Weibo

張衛健對老婆闊綽，但對待自己，佢覺得剛剛好就夠～近年來，佢為咗想多陪陪媽媽，於是搬番去同媽媽同住。而佢同母親同住嘅屋企，只有數百呎，同佢北京嘅屋企大相逕庭。不過張衛健就話：「家不需要那麼大，有床有地方睡就夠了」

Photo from 張茜@Weibo

可見，張衛健真係好錫老婆，將最好嘅野都比哂呢名陪佢走過人生高高低低嘅女人～

Photo from 張茜@Weibo

Text：GirlsLike Editorial

Photo Source：Weibo