分開不一定是7年之癢!幹練型女生楊冪,天生就是愛打拼:即使決定很糟糕,但這是我的選擇,我不會後悔。

分開不一定是7年之癢!幹練型女生楊冪,天生就是愛打拼:即使決定很糟糕,但這是我的選擇,我不會後悔。

Hot Topics Self
By Michelle on 27 Dec 2018
Digital Editor

楊冪同劉愷威上星期6 (22號 )宣布離婚,結束5年婚姻。唔少網民都覺得好可惜,始終二人仲育有一女,如今只有4歲嘅小糯米更成為討論對象。外界對於楊冪同劉愷威嘅分開,歸咎於女方過於專注事業,無將家庭放喺第一位,先會令雙方走上分道揚鑣嘅一日。的而且確,楊冪係一個工作狂,唔單止係內地一線花旦,而且仲設立個人工作室嘉行傳媒,市值約50億!楊冪作為幹練型嘅事業女性,注定於佢身上發生嘅故事會係不平凡,只有32歲嘅佢卻有好多地方值得女生學習!

Photo from from Sina

買房不用問劉愷威!楊冪:「我買得起啊!」

楊冪由童星出身,一直由女配角演到上女主角,現時再有個人工作室培育藝人,有今日嘅成就全憑佢個人努力。2015年,楊冪於內地節目《金星秀》節目訪談中大談自己感情、家庭、工作心態。佢話雖然同劉愷威結咗婚,但婚後二人依然係經濟獨立,楊冪甚至果斷地表示生活上無咩事情重大到要跟劉愷威商量,無論邊一方想做決定,另一方都會尊重對方~

Photo from from Weibo

主持人問「如果係想買樓給你爸媽,你會跟劉愷威商量嗎?」楊冪直接了當咁話「不會,因為我買得起。」先唔討論夫妻相處之道係唔係應該男主外女主內,楊冪有能力照顧好自己之餘,亦有能力孝順雙親,既獨立又有資格用自己本事生活下去,絕不能小看!

Photo from from Sina

「安全感是自己給自己的」

女人追求安全感,但如果只係一心想喺男人身上拎到安全感,就係最唔安全最無保障嘅做法~楊冪外表柔弱,但內在卻係非常強大,「不管別人覺得我做的決定有多糟糕,可能我自己也會知道我做的決定很糟糕,但我都不會後悔,因為這是我的選擇,什麼樣的結果我都認。」

Photo from from Sina

為咗爬上一線女角,楊冪將工作排到滿滿,一劇接一劇。綜藝節目《真正男子漢2》中,入軍營特訓,卸妝、體能訓練全部都係嚟真,楊冪只係講咗兩個要求—可以搽防曬、「要是綠豆湯可以續杯就好了」,完全放低女神包袱,博命去做好每件事,令唔少網友刮目相看。「安全感是自己給自己的」,自己努力而來嘅安全感,比從別人身上拎到嘅,更加係100%完全屬於自己~

Photo from from Sina

Text: GirlsLike Editorial

Photo Source: Weibo, Sina

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK