張國榮離世15年唐唐未忘最愛！聖誕節前夕貼合照思念哥哥，多年來未能忘懷～
哥哥張國榮已經離世15年，今年12月哥哥其中一部經典作《霸王別姬》喺內地作25周年數碼修復版重新上畫，因此再度掀起懷念哥哥嘅熱潮。而哥哥嘅同性好友唐鶴德（唐唐）對佢仍然未能忘懷，12月23日晚平安夜前夕，唐唐仲喺IG上貼出同哥哥嘅舊合照，相入面哥哥坐喺聖誕樹前挨住唐唐，畫面非常溫馨，唐唐仲留言寫道︰「昔日聖誕，Merry Christmas。」
Photo from dhttong@Instagram
張國榮2003年自殺身亡，至今離世已經超過15年，但係唐唐對於哥哥嘅思念從未平息。
Photo from dhttong@Instagram
唐唐喺2013年開立IG帳戶，不過唔係成日會發文，至今只係有大約30個post，每逢重大日子例如中秋節、哥哥生日等，佢都會Post哥哥嘅舊相，抒發思念之情～上年平安夜前夕，唐唐都有貼出一張聖誕樹相，當時佢留言講道︰「N年前他親手裝飾的聖誕樹，他就是喜歡聖誕節，Merry Christmas。」文中所指嘅「他」就係哥哥張國榮～
Photo from dhttong@Instagram
哥哥過世後，每年哥哥生忌冥辰同埋節日，唐唐都會喺IG發文悼念哥哥，事隔外年依然無變，可見情深義重。
Photo from dhttong@Instagram
講到唐鶴德同張國榮嘅相識，其實佢地細細個就已經認識，直到1982年重逢，當時哥哥並未大紅大紫，事業仍然處於奮鬥階段，而當時任職金融業嘅唐唐，喺生活上對哥哥萬般支持，二人一齊共度患難。
1997年，張國榮喺個人演唱會上公開感謝母親同埋唐唐，仲話媽媽同唐先生係最摯愛嘅親人同朋友，就藉由呢次機會公開承認咗佢同唐鶴德嘅關係。張國榮仲曾經表示過，唐鶴德係僅次母親最重要嘅人。當年哥哥嘅母親過世，唐唐係以「親屬」身分幫忙打點喪禮等事項。
Photo from dhttong@Instagram
一直到2003年張國榮離世，喺哥哥喪禮上，唐唐被視作「未亡人」。張國榮遺體火化之後，唐唐傷心欲絕需要人攙扶而行。哥哥離世多年，據知唐唐至今仍然單身，仲有指佢仍然沿用哥哥當年嘅舊電話號碼，可見情深義重，實在難得～
Text：GirlsLike Editorial
Photo Source：
