張繼聰甘心做謝安琪的私人攝影師鏡頭下謝安琪被指似印傭張繼聰立即幽默護妻

By Fennie on 07 Aug 2020

Digital Editor

日前張繼聰在社交平台上載了一張夜景照，相中有個女仔背光站在曬衣架旁邊，旋即有網民笑指像印傭晾衫，而向來都與網民有互動的張繼聰立即幽默回應：「差咁遠？你識唔識分立眼同合埋眼嘅分別？」又有網民留言：「其實我第一眼係以為佢耍緊詠春打緊碌椿」，他則以「咁，你同詠春真係好唔熟」來回應。

Photo from Instagram@張繼聰Louis

張繼聰和謝安琪是圈中出了名的典型模範夫妻。這對模範夫妻一開始的時候並非順風順水，而張繼聰更是以「謝安琪老公」身份出道的。謝安琪外表清秀，歌聲好聽，出道不久就走紅了，而張繼聰相貌平平又非出身富豪家庭，雖有才華，但一直未被人注意到。謝安琪比張繼聰早紅，當年謝安琪處在事業的高峰期突然宣布結婚，而結婚對象是張繼聰，那時大家都不知道誰是張繼聰，對於宅男心中的女神突然宣布要嫁給一個相貌平平、無名氣的男人，女尊男卑，因此外界都不看好這一對，認為他們的婚姻不會維持長久。

Photo from Instagram@張繼聰Louis

結婚初期不少負面新聞，張繼聰被人諷刺「謝繼聰」﹑「吃軟飯」﹑甚至被稱為「廢柴老公」，每個男人都需要尊嚴，雖然謝安琪不離不棄，但作為男人的張繼聰心裡還是會有壓力。當年謝安琪的《囍帖街》有非常好的成績，身為老公的張繼聰雖然替他感到開心，但每當謝安琪上台得獎，台下攝影機都會拍住他，令他感到很大壓力。

Photo from Instagram@張繼聰Louis

之後，謝安琪跟陳奕迅傳緋聞，張繼聰當時就覺得人生似乎跌入了低谷，雖然明知那只是媒體炒作，但他很介意「情敵」是陳奕迅。種種壓力下，有一晚他獨留在家，突然有輕生念頭，並安排好遺言給最好的朋友。最終幸好腦內突然出現一把聲音，他忽然「醒覺」，改變自己心態，又再過一關。

Photo from Instagram@張繼聰Louis

「過去一年，我聽過好多祝福說話，都聽過好多難堪說話。我記得有一晚，我看著太太睡覺。當晚是很大壓力的晚上，我好難過，我同自己講，我一定要照顧好太太，照顧我兒子，就算時光倒數幾多次，我都會娶你做老婆，我愛你，Kay！」

Photo from Instagram@張繼聰Louis

張繼聰一直都很努力去做好老公角色，亦都好努力去拼事業，他總是覺得謝安琪跟了他受委屈，他想好好保護這個女人，而不是這個女人來保護他。機會是留給有準備的人，寂寂無名多年的張繼聰的努力終於被看到，他在《老表，你好嘢！》鹹魚翻生，之後又演了一系列的搞笑劇。其中一幕，張繼聰就在劇裡說了一句自嘲對白：「她老公正廢柴！」”成為一時佳話。

Photo from Instagram@張繼聰Louis

張繼聰並沒有在走紅之後就忘記了曾經跟他共度患難、一直在背後默默支持他的老婆謝安琪，反而更珍惜老婆，偶爾還會在社交平台上分享婚姻保鮮秘訣、在謝安琪遭到網民的攻擊時會站出來護妻。

Photo from Instagram@張繼聰Louis

最吸引女人的男人除了要懂得彈吉他，還要會拍照，這兩點張繼聰都做到了。平時張繼聰會充當老婆的攝影師，為老婆拍了不少靚相，他還在二人結婚12年周年，在街頭邊彈吉他邊唱《每天愛你多一些》，當時謝安琪露出開心的笑容。

Photo from Instagram@張繼聰Louis

「老婆說不要物質禮物，但是要幾十年後都還記得的禮物，於是我帶她去海邊，跟人借了把吉他……」

Photo from Instagram@張繼聰Louis

有一種愛情，叫做張繼聰謝安琪；有一種老公，叫張繼聰。不需要什麼貴重的禮物，只要一份真心，煩惱柴米油鹽之後，偶爾來個浪漫，這才是真幸福！

Text: TopBeauty Editorial

萬大事有我撐腰！謝安琪表演險失準無助落淚，張繼聰送上強大鼓勵：災難係堅，不過你更堅！

09 Mar 2020

謝安琪 Kay 琴日啱啱過咗42歲生日，對於Kay嚟講，今年生日真係難忙至極啊！事關日前佢出席公開活動，需要演唱5首歌曲，點知唱第一首《羅生門》時發現耳機失靈，即使後台工作人員換過另一對耳機，都係無效！Kay全晚只靠自己執生完成演出，仲徬徨無助到淚曬當場！老公張繼聰發揮暖男老公角色，漏夜喺ig上發文讚老婆叻叻豬：「災難係堅嘅，不過我認為你更堅﹗」

Photo from louischeung2013 @ ig

張繼聰為老婆護航解釋，佢話當時Kay於整個表演中因為耳機失靈，完全聽唔到自己把聲，又聽唔到音樂聲，只係聽到耳機嘅沙沙聲，同觀眾席音響彈番嚟嘅聲。當時Kay要面對幾千個觀眾，作為專業嘅表演者，深知環境條件真係對演出極度不利，但都只可以硬住頭皮唱落去—張繼聰形容太太非常專業，而且係訓練有素，達到「心中有劍」嘅境界，「個騷你唔止go on ,仲充滿勇氣咁完成...大佬，聽唔到聲照唱，部琴冇聲照彈，聽唔到音樂數唔到拍子照入歌喎！」

在 Instagram 查看這則貼文

知道你為咗依個演出，花咗無數嘅心血去練習再練習，希望做到最好。 . 可惜Live performance 永遠有無限嘅意外會發生，而今次發生嘅意外，係歌手最恐懼嘅一種...耳機失靈 Sub stage 冇台mon ,整個表演聽唔到自己把聲，聽唔到音樂聲...只係聽到耳機嘅沙沙聲，同觀眾席音響彈番嚟嘅聲（會展咁大，我估回音會唔止一浸），現場有幾千名觀眾，唔喺現場嘅更有數唔到咁多嘅觀眾.... . . 依種情境，任何表演者發夢遇到都保証會嚇醒，不過，可惜，今次單嘢係堅嘅。依二十分鐘嘅痛苦，恐懼，㥬惶，心血白費...對表演者嚟講，係災難。 . 災難係堅嘅，不過我認為你更堅?? . 咁嘅環境，你仍然奮力完成整個演出，冇放棄任何一粒音任何一個小節 . The Show Must Go On ，係一個表演者嘅專業。個騷你唔止go on ,仲充滿勇氣咁完成??同埋，如果唔係經過咁充足嘅練習，一定冇可能做到，一定冇可能。大佬，聽唔到聲照唱，部琴冇聲照彈，聽唔到音樂數唔到拍子照入歌喎，真係靠心中有劍??? . 長篇大論，唔係因為我地嘅關係，而係大家都係表演者，所以好明白你經歷咗咩。意外冇人想嘅，不過你好叻?? 有d叻係要係危困當中先會展現出嚟。同埋今次之後，可以更加膽生毛啦，上到台冇嘢驚㗎啦??? . 經歷係用嚟強化自己嘅。312，個宇宙預早送依份禮物俾你，等你再Level Up ,算係咁啦☺️ . . 最後最後 . . Happy Birthday My Lady 313 ❤️

張繼聰 Louis（@louischeung2013）分享的貼文於 PDT 2019 年 3月月 12 日下午 1:03 張貼

Kay事後亦話，今次係入行咁耐遇到最嚴重嘅情況，雖然心情係極度徬徨，但都只可以盡力演出。當時現場幾千對眼望住自己，真係心血少啲都唔得。張繼聰大讚老婆堅持同穩定演出好「堅」—「於困難環境仍然奮力完成整個演出，冇放棄任何一粒音任何一個小節。」

Photo from louischeung2013 @ ig

「知道你為咗依個演出，花咗無數嘅心血去練習再練習，希望做到最好。可惜Live performance 永遠有無限嘅意外會發生，而今次發生嘅意外，係歌手最恐懼嘅一種……耳機失靈。依種情境，任何表演者發夢遇到都保証會嚇醒，不過，可惜，今次單嘢係堅嘅。依二十分鐘嘅痛苦，恐懼，㥬惶，心血白費...對表演者嚟講，係災難。災難係堅嘅，不過我認為你更堅。」

Photo from kaytse @ ig

張繼聰又打趣咁講，今次事故係個天送畀老婆嘅禮物—「經歷係用嚟強化自己嘅。312，個宇宙預早送依份禮物俾你，等你再Level Up ,算係咁啦！」發文一日已經有近2萬人讚好，大家都勁讚Kay 臨危不亂。阿bob就搞笑咁問：「冧到呢，你幾時會打篇類似嘅嘢俾我？」

Photo from kaytse @ ig

由以前大家都覺得佢哋兩個女尊男卑，好多人質疑佢地會唔會合久必分，男方又因為壓力大而患上抑鬱症，兩公婆一直係你撐我、我撐你。只要有你係身邊，就以無視外界雜音面對一切，謝安琪、張繼聰培養出無人能及嘅默契。小編覺得，Kay於台上臨危不亂穩定演出，明白表演喺任何時刻都係Show must go on（演出必須繼續下去），真係好勁～生命又何嘗唔係Life must go on （生活必須繼續下去）呢？至緊要，身邊有一個不離不棄，共患難也共富貴嘅愛人～