《大帥哥》譚凱琪入行18年演技終獲讚賞!獨力撐起家庭,星途曲折18歲曾因公司倒閉失業~

《大帥哥》譚凱琪入行18年演技終獲讚賞!獨力撐起家庭,星途曲折18歲曾因公司倒閉失業~

Hot Topics
By Aisa on 31 Dec 2018

近期hit爆劇集《大帥哥》入面 , 譚凱琪飾演張衛健嘅姨太太「天嬌」,表現出色,網民們亦因此而對佢有唔少正面評價。譚凱琪喺螢幕上演出到位,而現實中佢係個撐起三頭家嘅女漢子,除咗喺事業上密密耕耘外,私下更係一個好識照顧家人嘅孝順女。

Photo from zozotam1o1o@Instagram

宜家已經37歲嘅譚凱琪 (Zoie)出道將近18年,2013年加入TVB主力喺演戲方面發展,一直到近年終於漸有代表作。其實由2017年開始,佢嘅演技就漸受觀眾注意,喺《不懂撒嬌的女人》、《跨世代》、《平安谷》,以及正在播出嘅《大帥哥》入面,譚凱琪都有令人相當驚喜嘅表現,而佢所飾演嘅角色戲份亦愈來愈重,可見譚凱琪嘅演技開始受到肯定~

Photo from zozotam1o1o@Instagram

喺劇入面譚凱琪經常飾演倔強嘅角色,但現實當中佢係一個好柔弱嘅女仔,而且仲係一個乖乖女。譚凱琪自細父母離異,之後同媽媽同住,但佢並無因為咁而憎恨佢嘅父親,反而仲主動幫忙照顧爸爸。成為藝人之後,譚凱琪為咗方便工作而獨居,再加上要照料媽媽同埋爸爸,可以話係擔起三個家庭,責任非常重大,而佢目前嘅奮鬥目標就係儲錢買樓比屋企人!

Photo from zozotam1o1o@Instagram

譚凱琪18歲出道嘅時候就會將收入分一半比媽媽用來養家,買每樣野之前佢都會諗得清清楚楚,有啲衫佢十年前買,但到宜家都仍然會著~而譚凱琪話佢之所以咁節儉都係因為受到原生家庭所影響:「我們共有4姐妹,當年父親養一家六口,所以也很節儉,可能由此被感染,從小到大就喜歡儲錢,小時候家裏有幾個錢罌,每次利市或零用錢便放去。」

Photo from zozotam1o1o@Instagram

宜家37歲嘅譚凱琪,曾經係日本音樂人小室哲哉嘅徒弟,但不幸地因為公司倒閉,當時只得18歲嘅佢年紀輕輕就要面對失業,前路茫茫,但佢並無放棄,因為屋企需要佢,所以佢努力打拼,就係為咗唔可以比屋企倒下。

Photo from zozotam1o1o@Instagram

後來,佢嘗試尋求唔同出路,佢試圖去台灣發展,但都係未有一翻成就。輾轉之下,加入有線電視,直至5年前先加入了TVB,算係有個安穩嘅地方工作,2013年11月正式轉投無綫電視

Photo from zozotam1o1o@Instagram

不過譚凱琪並唔認為自己喺演藝之路上行咗冤枉路:「從不覺兜路,始終在過程中有得著。反而如果以前沒甚麼經歷,可能我沒那麼踏實,現在懂得去感恩,知道所有的機會或別人的幫忙都不是必然。」

Photo from zozotam1o1o@Instagram

而感情方面,一直就傳譚凱琪另一半係一個「有錢男友」,譚凱琪就回應話鐘意對方比自己能幹,有咩問題問佢,對方都可以解答得到,兩個人可以一齊成長、努力,不過現階段佢會以事業為重,因為唔想浪費難得嘅機會,至於結婚佢就覺得要順其自然,暫時都未有打算~

Photo from zozotam1o1o@Instagram

Text:GirlsLike Editorial

Photo Source:Instagram

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK