腰幼吸引力大增，而且還有潛質做賢妻！研究：女生有理財習慣，腰圍比「月光族」幼逾一吋～

上一代認為「屁屁大，好生養」，而腰部有纖瘦線條就可以突顯更好嘅身材比例。腰幼pat大除咗「睇得又實際」外，原來仲有其他象徵意義架！

Photo from sammkoling @ig

成日話儲唔到錢，除咗係因為生活指數同物價愈嚟愈高之外，有無諗過同自己嘅腰圍有關？！～有外國研究指出，女生如果精於理財，有儲錢習慣，條腰就會愈幼！

Photo from sammkoling @ig

英國紐卡素大學進行一項研究，透過訪問15,591個英國人分析腰圍同儲蓄能力嘅關係，結果顯示腰圍較粗嘅人，相較於腰圍幼嘅人於理財同儲錢能力上都較弱。研究從佢哋嘅儲蓄、收入、婚姻狀況同 BMI 作出分析，發現識得儲錢、理財較好嘅女士比起理財觀念薄弱嘅女士，腰圍平均瘦 1.18 吋！

Photo from misselvani ＠ it

而喺男士身上，都發現同樣趨勢！只不過女生結果更加明顯！負責該項研究的 Heather Brown 博士指出，其中一大因素係有理財習慣嘅女生會對生活更有詳盡計劃、對自己有要求。

Photo from misslilyho @ ig

相比起不愛存錢的女生，佢哋更著重有平衡生活，願意花時間喺一啲未必能即時見到回報但「有發展潛力」同「有長遠回報」嘅活動，例如運動、健康飲食等。

相反，唔擅長存錢嘅女生，則比較著重霎時享樂，所以令佢哋較容易受到食物同其他生活上嘅誘惑，無咁著重自己嘅體重同身型。

研究同樣發現，人們選擇如何利用自嘅的時間，都係一個導致腰圍變粗、變胖嘅主要原因！比如話，一個目光長遠嘅人會選擇多讀書增值自己，但一個短視嘅人則會著重即時享樂而捨棄將來嘅回報。呢個比喻正正解釋咗點解有理財計劃嘅女生，比起不擅於理財的女生，不但生活更健康，身型也都更健美！

要儲到錢，不如由管理好體重同腰圍做起吧～

Text：GirlsLike Editorial

Photo Source：Pinterest