有一種愛叫「金宇彬和新敏娥」！金宇彬抗癌進度良好，與新敏娥拍拖4年甜蜜同遊澳洲～！

29歲金宇彬1年幾前因不幸患上鼻咽癌而需全面停工抗癌，34歲女友新敏娥喺呢段時間對佢不離不棄，更每次都陪伴金宇彬到醫院接受治療！唔少人都期待呢段高顏值「姐弟戀」能夠開花結果～

兩人踏入拍拖4週年，被粉絲拍到甜蜜同遊澳洲，相中可見金宇彬精神非常好，兩小口打扮樸素地吃飯逛街，新敏娥還會輕輕挽著男友的手臂，真的是非常Sweet啊！

金宇彬抗癌1年零2個月，期間完成3次抗癌治療及達35次放射性治療，早前久未露面嘅佢被粉絲野生捕獲1個人行街，相中見到金宇彬紮起頭髮，雖然身形比以前消瘦但精神狀況唔錯，令粉絲放下心頭大石並紛紛送上祝福！

曾演出韓劇《繼承者們》及《任意依戀》、模特兒出身嘅金宇彬，以188cm嘅身高同超高顏值時裝界同娛樂圈闖出一片天，2015年因與新敏娥合作拍廣告而擦出愛火花。

2017年5月一直有吸煙習慣嘅金宇彬經常喉嚨腫痛同流鼻血，其後被證實患上鼻咽癌，要停工抗癌休養，新敏娥並冇因此離開佢，而係選擇同男友一齊行呢條艱辛嘅抗癌路，金宇彬每一次去醫院接受治療新敏娥都會陪伴左右。

2017年12月有女友嘅全面支持，金宇彬完成3次抗癌治療及35次放射性治療，宣布身體康復中並需定期去醫院覆診，而新敏娥除工作時間外都在男友嘅身邊，患難令佢地更珍惜對方，早前佢地更被影到一齊恩愛撐枱腳～

要搵到一個「對的人」真係好難，好多情侶只能同甘而不能共苦，同苦到又捱唔過平凡乏味嘅生活，應夠共渡患難同平凡嘅愛情先叫稱得上為真正嘅愛情，就好似金宇彬和新敏娥。

喺到為金宇彬送上祝福，盡快康復身體健康，然後同新敏娥拉埋天窗～！

Text：GirlsLike Editorial Editorial

Photo source：Pinterest