每次都以結婚為前提交往反而害了你？5個女生戀愛中不經意犯的錯誤，也許是你錯過幸福的原因
拍拖一開始總係甜蜜，但日子耐咗，兩個人之間分歧卻愈來愈多，慢慢感覺到對方嘅唔耐煩，最後落到分手收場。你有無諗過問題有時唔係出喺對方身上，而係你喺戀愛不經意犯下某啲錯誤而令自己最後錯過幸福呢？
#1 以結婚為前提交往
好多女仔一開始認識新對象嘅時候，都會好認真咁考慮同對方有無未來，甚至會以結婚為前提交往，但喺尚未認識、交往之下，你就已經先對對方提出如此要求，無形中反而會令人卻步，產生壓力，同時你都應該比自己更多時間同空間去了解清楚眼前人，再思想到對方係唔係真係值得你付托終生嘅人。
Photo from Pinterest
#2 調查他身邊的異性
好多人都話女人第6感好準，亦因為咁令好多人都好敏感，只要一發現另一半身邊有「可疑」嘅女性就會即刻進行調查，但你有無諗過可能佢地真係只係好朋友，令你疲勞轟炸嘅調查以及不斷起疑，反而會令對方漸漸失去耐性。好男人會主動比你踏實嘅感覺，壞男人就算你查完佢都一樣可以犯錯，所以試比彼此多啲空間，愛情係建立喺信任之上，如果唔係長久落去辛苦嘅係你自己～
Photo from Pinterest
#3 每天問「你愛我嗎」
好多女仔會將「我愛你」、「你愛我嗎」呢啲說話掛喺嘴邊，但愛唔係靠把口，就算口幾愛你，無愛惜你嘅行為都係無意義。男人同女人嘅表達愛嘅方式唔一樣，以行動表達嘅愛更加實在，將「我愛妳」留比特別嘅時刻，而唔係每日用「你愛我嗎？」去確定彼此嘅關係～
Photo from Pinterest
#4 不經意提起前任的好
有啲人習慣將「現任」同「前度」作比較，但愛情係唔可以比較，尤其當你開始抱怨現任唔夠體貼浪漫之後，隨即將前任對你有幾好一併拎出嚟講出來，好易會令對方對呢段關係失去信心。
Photo from Pinterest
#5 快速否決不喜歡的類型
好多人都鐘意用「外表」去決定對方係唔係「對的人」，一開始就快速拒絕你「理想以外」嘅類型會令你錯過幸福～可以試下比多啲身旁異性機會，多認識交流，可能對方外在條件同你理想中有落差，但佢係真正對你好嘅男人。唔好太快否決一個人，因為「對的人」往往係你無諗過嘅人。
Photo from Pinterest
Text：Girlslike Editorial
Photo Source：Pinterest
