「零負評男神」古天樂有著4大男人該有的優點！認真工作、孝順、先考慮別人，連做善事也從不張揚～

日前嘅叱咤樂壇頒獎禮上，古天樂成功拿下《我最喜愛的男歌手》，連佢自己都覺得好神奇，不過亦因此令佢成為全香港唯一喺歌、影、視3個範疇都拿下獎項嘅藝人，確實唔簡單～佢唔單止喺演藝人協會會長，喺圈入面仲出哂名鐘意幫人 ，除咗會幫助有需要嘅圈中人，喺慈善方面更係不遺餘力，所以話古仔可以成為近年「零負評男神」真係唔係無原因嫁～

Photo from kootinlok_louis@Instagram

古天樂今年就同謝安琪推出合唱歌「一個男人，一個女人和浴室」，被指係重出樂壇之作，成為網友們一時熱話，網友仲表示要推佢上叱咤台。

Photo from kootinlok_louis@Instagram

得獎後古仔喺台上笑言：「我真係好鍾意唱歌，不過我唔識唱」佢更形容自己可以走上叱咤台係一個奇蹟～剛喺上年升任為演藝人協會會長嘅佢，想用更多時間去幫助新歌手：「我用我嘅時間，同咗好多歌手食飯，因為我真係完全唔識。當我了解完，我知道佢哋團火無熄過，我好開心，你睇我，我都可以行上台。但真係，作為一個新人，自己心入面團火，唔好忘記，無論成功與否。」

Photo from 古天樂@Weibo

亦因此古仔成為全香港唯一喺歌、影、視3個範疇都拿下獎項嘅藝人～佢年中成功得到香港電影金像獎最佳男主角嘅殊榮，年尾又獲得男歌手獎項，再加上01年嘅時候曾憑住《尋秦記》奪得萬千星輝頒奬典禮視帝，歌、影、視嘅獎都攞過哂。

Photo from 古天樂@Weibo

# 盡心盡力支持演藝界

對於演藝界嘅支持，古天樂可說係出錢出力，而且從來不求回報。佢所設立嘅電影公司，為唔少搵唔到資金嘅電影人開戲，圈入面幾乎只有佢，願意唔顧蝕錢風險去投資電影。

Photo from 古天樂@Weibo

# 對做善事不遺餘力

除此以外，佢喺慈善上亦不遺餘力～因為年輕嘅時候曾經誤入歧途，令古仔意識到教育嘅重要性，所以佢捐款興建希望小學，全力幫助偏遠貧困嘅小朋友，比佢地有接受教育嘅機會。為咗唔比豆腐渣工程出現喺自己嘅小學入面，佢會派人監管學校工程嘅質量，本人仲會秘密探訪鄉村做義工，差唔多每次都無通知傳媒，真正有善心係唔需要話比人知。

Photo from 古天樂@Weibo

# 孝順家人 對朋友有情有義

私底下佢對家人孝順，今時今日就算已經成為大明星，仲係電影公司大老闆，不過仍然堅持同屋企人一齊住，每年仲會帶父母去旅行。而佢對前女友黃紀瑩分手多年後亦相當照顧，可見為人有情有義～

Photo from 古天樂@Weibo

古仔唔理喺電影、歌唱界都願意親力親為作出貢獻，工作認真，人前人後待人真誠，被封為「零負評男神」相信無人會有異議～！

Photo from 古天樂@Weibo

Text：GirlsLike Editorial

Photo Source：