「愛情是生活的一部份，但並不是必需品」秦嵐、周海媚等4位單身女星的快樂之道！

現今社會對於女性嘅看法已經同過往唔一樣，以前女人只要年過三十就好容易會陷入被催婚嘅局面，因為傳統思想認為女性就係要嫁人生BB、相夫教子，但宜家晚婚或遲婚嘅女性愈來愈多，結婚生育再唔係女人嘅唯一出路，就好似佘詩曼、周海媚等藝人，就算單身都依然活得自在快樂～

# 佘詩曼

佘詩曼雖然已經年過40，但凍齡有道，早前《延禧攻略》播出，阿佘企喺一班年輕女星旁邊一啲都唔不遜色，美貌依舊～而佢入行20年，偶然有傳出緋聞，不過宜家依然單身。

Photo from charmaine_sheh@Instagram

阿佘曾經話過：「真正的友情，是比愛情更純潔更美好。真正的朋友，會打擊你，會幫助你，但永遠是形影不離，互相扶持信任，需要的時候會第一個站出來！」宜家阿佘事業有一定成就，有自己嘅工作室，自由選擇工作，又有自己嘅樂趣，閒時畫下畫，嚐唔同美食，佢唔想浪費生命入面珍貴嘅時間，至於愛情佢認為保持順其自然嘅心就可以了～

Photo from charmaine_sheh@Instagram

# 秦嵐

另一位《延禧攻略》入面嘅重要演員，37 歲演「富察皇后」嘅秦嵐深受觀眾喜愛～而大家一直都好關心佢戲外嘅感情生活，而秦嵐就表示愛情只係佢生活嘅其中一部份，並唔係生活嘅必需品。

Photo from 秦嵐@Weibo

秦嵐並唔會為自己嘅感情空窗期感到擔憂，反而會更加享受不被婚姻拘束嘅自由，因為佢認為只要生活過得舒適、自在就好，唔需要在乎其他人嘅眼光～

Photo from 秦嵐@Weibo

# 周海媚

入行 33 年嘅周海媚拍攝經典劇集《倚天屠龍記》，所飾演周芷若一角令人至今依然印象深刻。周海媚宜家 51 歲依然保養得宜，同當年比較都無咩走樣，曾經試過閃婚 5 個月後離婚嘅佢，到宜家感情路仍然未有著落～

Photo from 周海媚@Instagram

周海媚曾經話過，婚姻並唔係佢嘅歸宿，佢只係想喺愛情路上奔跑～身邊嘅人同生活帶比佢嘅愉悅、自由都令佢生活好豐富 ，並唔係結婚就等於得到幸福，最重要係搵到自己想行嘅路。

Photo from 周海媚@Instagram

# 陳喬恩

台灣藝人陳喬恩曾經參演唔少浪漫愛情劇，不過今年 39 歲嘅佢暫時都未有結婚嘅打算，甚至對結婚呢樣野無咩興趣。

Photo from 陳喬恩@Instagram

陳喬恩認為女人唔應該被婚姻框死，唔結婚嘅佢可以擁有更多屬於自己嘅時間，做自己鐘意做嘅事、建立興趣、只要是對自己負責任，活在當下就可以。

Photo from 陳喬恩@Instagram

Text：GirlsLike Editorial

Photo Source：Instagram，Weibo