專一人夫張頴康大學畢業即娶麥雅緻為妻，承諾跟對方慢慢老去，「多謝你當年奮不顧身嫁給我！」

By Michelle on 07 Aug 2019

Digital Editor

Life is short, don't be lazy . Be your own idol to enjoy every moment !

「愛妻號」張頴康一向零緋聞，但不時喺IG上發文公開感謝太太兼表達愛意～張頴康連第一次同太太傾電話、約會都記得，並揚言如果命運能夠再次選擇，都會再娶麥雅緻為做老婆，好甜蜜呢～

Photo from ig @ cheungwinghong

二人同床共枕多年，仍然是形影不離，張頴康近日更大曬有個「跟得老婆」的恩愛：「今日有老婆陪我返公司拍嘢！佢嘅酬勞係...我請嘅下午茶！」一餐不過是數十元的下午茶，沒有精美佈置、沒有很好情調的環境互相談談心，只不過是一杯檸茶、一個蛋撻，我們仍見到女生臉上真摯的笑容，張頴康背後所付出的，也許連專一愛妻號都不足以形容他的努力。

Photo from ig @ cheungwinghong

回望過去，麥雅緻10歲時已經移居美國三藩市，畢業於三藩市大學（University of San Francisco）教育碩士課程。跟張頴康喺電視台認識，男方一見傾心，主動邀請女方睇戲，二人交變多，互相萌生愛意。麥雅緻曾經話過，感覺到張頴康係個真誠、工作認真嘅男人，拍拖4年後，最終於2012年帶埋天窗。

Photo from angie617 ＠ ig

麥雅緻家境好，學歷高，但就從不嫌棄當時仍是個大男孩的張頴康。男方20歲時獲劉德華青睞踏，踏足演藝圈，2006年獲薦加入TVB，但其實一開始，張頴康並不快樂，演藝工作無他想像中擁有這麼大自由度與發揮空間，他曾表示當時整個人都變得頹廢、無活力。但遇見太太麥雅緻後，就令他找回人生目標，「佢會指引我，令我愈做愈好，係佢令我搵番自己，宜家人都變得開心咗。」

Photo from cheungwinghong ＠ ig

現時一家四口係好多人眼中嘅幸福模範家庭，但事實上，二人組織家庭亦非一帆風順，當年張頴康連半紅不黑都稱唔上，為了跟太太成家立室，他逼不得已放棄自己做演員嘅理想，轉而做文職，更需要在中港兩邊走，夫妻二人聚少離多。

Photo from cheungwinghong ＠ ig

因為一次車禍，生命面臨威脅嘅一刻，最令張頴康後悔嘅係無做到自己鍾意做嘅事。太太眼見老公有志未能伸，鼓勵佢繼續追夢，「錢唔好再諗，屋企由我去頂。」看似柔弱嘅女兒家發揮女人強大力量，擔起整頭家，為的就是希望老公能夠圓夢。

Photo from angie617 ＠ ig

張頴康一直好感激太太當年全力支持，入行第16個年頭，張頴康2016年摘下《TVB馬來西亞星光薈萃頒獎典禮2016》「最喜愛TVB飛躍進步男藝員」，演藝終於受到肯定。

Photo from from TVB

跟太太一起走過高山低谷嘅一點一滴，張頴康仍然記憶猶新，今年11週年紀念日，張頴康發出二人拍拖時期嘅青澀合照：「2008年1月4日，我哋第一次通電話，睇戲，約會！假設12年前，我哋由小學一年級開始相識，拍拖直到今日，我哋就中學畢業喇！如果畀我再揀多次，我一樣會決定喺四年後大學畢業即刻娶你做我老婆！我愛你！」網民祝福佢哋天長地久。

Photo from ig @ cheungwinghong

有人話愛情得意嘅感覺，是終有一日會由激情變成一種責任，失去激情嘅愛情會變得乏味。如果人生長期停留於追求激情，新鮮感嘅愛慕之情，大概只係你未能搵到一個願意陪你一起慢慢老去嘅愛侶。

Photo from angie617 ＠ ig

張頴康去年跟太太結婚紀念日時，就甜到爆同太太講希望要同你慶祝60週年結婚紀念日，當時麥雅緻話：「都唔知我哋有冇咁長命喇。」無錯，生老病死係人生必經一課，但張頴康就表示就算命運自有安排，但「只要有呢個信念，往後嘅日子，我哋一定唔會浪費相處嘅時光。」張頴康又甜蜜跟太太許下願望「老婆，多謝你俾咗個屬於我哋嘅家，我愛你！期待60週年同你用假牙食飯慶祝！」