趁年輕時珍惜眼前！日本綜藝節目，77歲老婆婆對23歲自己說的一翻話，讓所有人淚崩～

By Aisa on 07 Jan 2019

一個追逐夢想的女生，深信未來是屬於相信心中美夢的人。

如果可以同以前嘅自己對話，你會對年輕嘅自己講啲咩呢？日本綜藝節目《ご長寿グランプリ》（爆笑！明石家秋刀魚的御長壽》成日都會請來一啲老人家，向年輕時候嘅自己喊話～而喺最近一期嘅節目入面，一位77歲嘅老婆婆就向23歲嘅自己說話，佢所講嘅感動到無數觀眾，讓網民都說：「為甚麼要讓我新年的第一天就噴淚！」

呢位來自日本佐賀縣，叫江頭孝子嘅老婆婆今次被邀請到節目《ご長寿グランプリ》上做嘉賓，一開始佢就充滿活力咁講：「23歲的孝子小姐啊！我是77歲的你啊！這頭雙方父母同意的婚事，新郎他是很積極，然而你對此卻不太有感覺」節目呢個時候就彈出一張黑白照，相片入面嘅情侶郎才女貌，非常般配！

孝子：「成為夫婦後，他依然那麼熱情，還說過『如果有來生的話，我們繼續在一起吧！』老實說，你當時並不願意」講到呢到，嘉賓們都忍唔住大笑～

接著孝子話：「10年前，你這熱情的老公，在早晨出門後就再也沒有回來過⋯⋯他心臟病發走了⋯⋯從那天起，我每天都在後悔著，每天早上都在佛壇前誦經，唱起坂本冬美的《再次戀上你》」講到呢到孝子婆婆已經眼眨淚光，即場唱起呢首歌：「再次戀上你愛得越來越深依然再次戀上你發自內心」背景重現孝子婆婆同老公由結婚開始、生兒育女、帶著孫子嘅照片，最後就到老爺爺嘅獨照⋯

最後，孝子婆婆哽咽地同23歲嘅自己講：「孝子你要記住，拜托你了！請記得喔」然後孝子婆婆終於忍唔住喊出來，而在場嘅嘉賓們亦紛紛以手拭淚～

呢個節目《ご長寿グランプリ》成日會邀請老人家同年輕時候嘅自己對話，有時候係一啲爆笑嘅說話，但更多嘅係令人忍唔住落淚、充滿遺憾嘅話語⋯⋯就好似之前感動無數網民嘅秀夫老爺爺，一直未能夠鼓起勇氣向心儀對象告白，明明好鐘意對方但又唔敢求婚，兩年之後，心儀女生過世，老公公仍然一直深愛住佢，往後一直走唔出悲傷⋯⋯最後秀夫老爺爺對24歲嘅自己講：「我要拜托你，趁現在幫我一個忙，請跟花小姐說，她是我這輩子最愛的人⋯⋯」